სემეკი - სალიცენზიო პირობების დარღვევის გამო, „ენერგო პრო ჯორჯია“ დაჯარიმდა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) სს „ენერგო პრო ჯორჯია“ სალიცენზიო პირობების დარღვევის გამო, სახელმწიფო ბიუჯეტის სასარგებლოდ, 5 000 ლარით დააჯარიმა. ამის შესახებ „ინტერპრესნიუსს“ საქართველოს ენერგეტიკისა და წყალმომარაგების მარეგულირებელი ეროვნული კომისიიდან აცნობეს.

მათივე ცნობით, დაჯარიმების საფუძველს წარმოადგენს კომპანიის მიერ სემეკის ელექტრონულ ჟურნალში არასწორი ინფორმაციისა და დოკუმენტაციის ატვირთვა, მიერთების სამუშაოების არაჯეროვანად შესრულება.

„სემეკში დანერგილია ელექტრონული ჟურნალი-პროგრამული უზრუნველყოფა, რომლის საშუალებითაც კომისია რეალურ დროში აკონტროლებს რეგულირებადი კომპანიების მიერ გაწეულ მომსახურებას. შესაბამისად კომისიამ გადაამოწმა სს „ენერგო პრო ჯორჯიას“ მიერ ელექტრონულ ჟურნალში ასახული ცალკეული ინფორმაცია, კერძოდ 31 ობიექტის ქსელზე მიერთების სამუშაოების შესახებ. შემოწმების შედეგად გამოვლინდა, რომ მიერთების თაობაზე ჟურნალში მოცემული ინფორმაცია არ ასახავდა რეალობას 19 ობიექტზე, ასევე განხილულ შემთხვევებში მიერთების სამუშაოების დროს დარღვეული იყო ტექნიკური ექსპლუატაციის ნორმები. შესაბამისად კომპანიას დარღვევების გამოსწორების მიზნით განესაზღვრა ერთი თვე. „ენერგო-პრო ჯორჯიამ“ ერთთვიანი პერიოდის გასვლის შემდგომ ახალი მომხმარებლის მიერთებისას ელექტრონულ ჟურნალში კვლავ ასახა მცდარი ინფორმაცია, ასევე ქსელში გამოვლინდა სხვადასხვა ტექნიკური დარღვევები“,-ნათქვამია ინფორმაციაში.

კომისიის გადაწყვეტილებით, გარდა დაჯარიმებისა, სს „ენერგო პრო ჯორჯიას“ დაევალა გარანტირებული სტანდარტების დარღვევის გამო კონკრეტული მომხმარებლებისათვის კომპენსაციების გადახდა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო