გაგი მოსიაშვილი - მარიანა ჩოლოიანის საქმეში მხოლოდ დაინტერესებული პირის მამხილებელი ჩვენებაა

15 წლის ლუკა სირაძის გარდაცვალების საქმესთან დაკავშირებით დაკავებული გამომძიებლის, მარიანა ჩოლოიანის ადვოკატის, გაგი მოსიაშვილის განცხადებით, საქმეში მხოლოდ დაინტერესებული პირის მამხილებელი ჩვენებაა.

როგორც გაგი მოსიაშვილი განმარტავს, სასამართლოში განხილული მტკიცებულებებით მარიანა ჩოლოიანის უდანაშაულობა დადასტურდება.

„წინასწარ ვერ გეტყვით, ბრალდების მოწმეები სამართლოს რა ინფორმაციას მიაწვდიან, თუმცა, მთავარია ყველა მოწმემ სიმართლე თქვს. იმედი მაქვს, სიმართლე, რომელიც საქმის არსებითი განხილვისას სასამართლოში ითქმევა, ერთადერთს - მარიანა ჩოლოიანის უდანაშაულობას დაადასტურებს.

წინა პროცესზე დაკითხული მოწმეების მიერ სასამართლოსთვის მიწოდებული ინფორმაცია ფაქტობრივად, მარიანა ჩოლოიანის უდანაშაულობას ადასტურებს მიუხედავად იმისა, რომ ისინი ბრალდების მოწმეები არიან. კიდევ ერთხელ ხაზგასმით ვამბობ, საქმე, რომელიც წარმოდგენილია მარიანა ჩოლოიანის ბრალდების საქმედ, მხოლოდ დაინტერესებული პირის მხრიდან მხილებაა, სხვა მტკიცებულება საქმეში არ არსებობს. პირის მიმართ გამამტყუნებელი განაჩენის გამოტანისთვის კი, მტკიცებულებათა ერთობლიობა უნდა იყოს“, - განაცხადა მოსიაშვილმა.

ცნობისთვის, 15 წლის მოზარდი ლუკა სირაძე, რომელმაც პოლიციაში გამოკითხვის შემდეგ თვითმკვლელობა სცადა, 17 დეკემბერს საავადმყოფოში გარდაიცვალა. აღნიშნულთან დაკავშირებით, სამართალდამცავებმა გამომძიებელი მარიანა ჩოლოიანი დააკავეს. მას თბილისის საქალაქო სასამართლომ აღკვეთის ღონისძიების სახით პატიმრობა 19 დეკემბერს შეუფარდა.

სახელმწიფო ინსპექტორის სამსახურმა ლუკა სირაძის საქმეზე, პოლიციის კიდევ რამდენიმე თანამშრომლის მხრიდან ადმინისტრაციული გადაცდომა გამოკვეთა. უწყებამ შინაგან საქმეთა სამინისტროს გენერალურ ინსპექციას მიმართა პოლიციის მუშაკებისთვის შესაძლო დისციპლინური პასუხისმგებლობის დაკისრების საკითხის გადაწყვეტის მიზნით.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს