ეგვიპტეში უხვმა ნალექმა წყალდიდობები გამოიწვია, რასაც სულ მცირე ხუთი ადამიანის სიცოცხლე ემსხვერპლა. „ალ ჯაზირას“ ინფორმაციით, დაშავებულია ასევე რამდენიმე პირი.
გავრცელებული ცნობებით, წყალდიდობის და უამინდობის გამო მთელი ქვეყნის მასშტაბით დახურულია სკოლები, სამთავრობო ოფისები, ლუქსორის საერთაშორისო აეროპორტი და შარმ ელ შეიხის პორტი.
ქვეყნის გარკვეულ რეგიონებში საგანგებო მდგომარეობა მოქმედებს. ეგვიპტის მეტეოროლოგიურ სადგურში აცხადებენ, რომ მსგავსი არასტაბილური ამინდი ქვეყანაში 1994 წლის შემდგომ აღარ ყოფილა.