ჯანდაცვის მსოფლიო ორგანიზაციის ხელმძღვანელი - შეამოწმეთ, შეამოწმეთ, შეამოწმეთ ყველა საეჭვო შემთხვევა!

ჯანდაცვის მსოფლიო ორგანიზაციის (WHO) ხელმძღვანელი ზოგიერთ ქვეყანას აკრიტიკებს, რომ საკმარისს არ აკეთებენ კორონავირუსის შემთხვევების აღმოჩენისა და მისი გავრცელების შესაჩერებლად. ტედროს ადჰანომ გებრეიესუსმა დღევანდელ პრესკონფერენციაზე განაცხადა, რომ ბოლო კვირებში კორონავირუსის შემთხვევები სწრაფად გაიზარდა, თუმცა არ მოხდა ინფიცირებულების საკმარისად სწრაფად შემოწმება, იზოლირება და კონტაქტში მყოფების გამოვლენა, რაც ვირუსის წინააღმდეგ ბრძოლის საქმეში მთავარია.

„ყველა ქვეყანამ ყოვლისმომცველი მიდგომები უნდა შეიმუშაოს, თუმცა ინფექციის პრევენციის და სიცოცხლის გადარჩენის ყველაზე ეფექტური გზა ინფექციის ჯაჭვური გავრცელების აღკვეთაა. ამისთვის კი, უნდა შეამოწმოთ და მოახდინოთ იზოლირება. ხანძარს ბრმად ვერ შეებრძოლებით. ჩვენ ვერ შევაჩერებთ ამ პანდემიას, თუკი არ გვეცოდინება, თუ ვინ არის ინფიცირებული. ჩვენ მარტივი მესიჯი გვაქვს ყველა ქვეყნისთვის: შეამოწმეთ, შეამოწმეთ, შეამოწმეთ, შეამოწმეთ ყველა საეჭვო შემთხვევა. თუკი პასუხი დადებითი იქნება, მოახდინეთ მათი იზოლირება და გაარკვიეთ, ვის ჰქონდა მათთან მჭიდრო კონტაქტი, ორი დღით ადრე, ვიდრე სიმპტომები დაეწყებოდათ. შეამოწმეთ ის ადამიანებიც“, - განაცხადა გებრეიესუსმა.

მისივე თქმით, მწარმოებლებთან მიმდინარეობს მოლაპარაკებები და კიდევ უფრო მეტი ტესტის წარმოება ხდება, რომ მასზე გლობალური მოთხოვნის დაკმაყოფილება მოხდეს.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა