შვეიცარიაში აცხადებენ, რომ ვირუსის გავრცელების ზრდის შემთხვევაში, საავადმყოფოებს კოლაფსი ემუქრება

საავადმყოფოებს შვეიცარიაში კოლაფსი ემუქრება იმ შემთხვევაში, თუ ვირუსი სწრაფად ზრდას განაგრძობს. ამის შესახებ ინფექციური დაავადებთა ცენტრის ხელმძღვანელმა მედიასთან განაცხადა და თანამემამულეებს მოუწოდა დაემორჩილონ მთავრობის რეკომენდაციებს.

„ვირუსი ჩვენს შორისაა. ახლა ჩვენ ყველაფერი უნდა გავაკეთოთ, რომ ის კიდევ უფრო აღარ გავრცელდეს. ძალიან ბევრია ინფიცირებული და თუ ასე გაგრძელდა, საავადმყოფოებს კოლაფსი ელის“,- აცხადებს დენიელ კოჩი.

ცნობისთვის, შვეიცარიაში ბოლო მონაცემებით, კორონავირუსის 2330 შემთხვევაა დაფიქსირებული. ორშაბათს ქვეყნის მთავრობამ 8 000 სამხედროს მობილიზება მოახდინა, რათა მოხდეს ყველა საჯარო თუ კერძო ღონისძიების გაუქმების უზრუნველყოფა.