დიდი ბრიტანეთის მთავრობის მრჩეველი კორონავირუსის საკითხებში, ნეილ ფერგიუსონი მიიჩნევს, რომ ის კორონავირუსით ინფიცირებულია. როგორც ფერგიუსონმა „ტვიტერის“ საკუთარ გვერდზე დაწერა, გუშინ ხველება დაეწყო, ხოლო შემდგომ ცხელება განუვითარდა.

„მე ძალიან ბევრ შეხვედრას ვესწრებოდი და ჩემ კოლეგებსაც, რომლებიც ამ შეხვედრებს ესწრებოდნენ, გამოუვლინდათ კორონავირუსის სიმპტომები. ამჟამად თვითიზოლაციაში ვიმყოფები“,-აცხადებს მრჩეველი BBC-სთან საუბარში.

მისივე თქმით, ბოლო დღეებში მან შეხვედრები პრემიერ ბორის ჯონსონთან და ქვეყნის სხვა მაღალჩინოსნებთანაც გამართა.