ინფექციურ საავადმყოფოში აცხადებენ, რომ ლაბორატორიიდან 12 პირის ტესტის პასუხს ელოდებიან

ინფექციური საავადმყოფოს დირექტორის თენგიზ ცერცვაძის განცხადებით, გამოჯანმრთელდა თუ არა კორონავირუსით დაინფიცირებული მეორე პაციენტი, ეს დღეს გვიან ღამით გახდება ცნობილი.

როგორც ცერცვაძემ ინფექციურ საავადმყოფოსთან ჟურნალისტებს განუცხადა, დღეს მთლიანობაში 12 პაციენტის კვლევის შედეგს ელოდებიან.

„გამოჯანმრთელების კანდიდატი ვინც იყო, მეორე პაციენტი, მისი გამოკვლევის მასალა აღებულია და გაგზავნილია ლუგარის ცენტრში. პასუხი ჯერ არ მოსულა, მოვა გვიან ღამე. გვიან ღამე ველოდებით 12 პაციენტის პასუხს“, - განაცხადა ცერცვაძემ.

კითხვაზე, ფიქსირდება თუ არა, საქართველოში მეოთხეული გავრცელება, ცერცვაძე პასუხობს, რომ ამ ეტაპზე არა.

„ექსპერტების მოსაზრება გაიყო, ერთი შემთხვევა ჩათვლილიყო თუ არა, მეოთხეულ გავრცელებად. ჩემი პირადი მოსაზრებაა და რამდენადაც ვიცი, ექსპერტების უმეტესობისაც, რომ ეს არ იყო მეოთხეული გავრცელება, რამდენადაც ის პაციენტი ძალიან დამაჯერებლად არა, მაგრამ მაინც ამბობდა თუ ვისგან დაინფიცირდა. ის მეტი ალბათობით, ამბობდა ვისგან დაინფიცირდა, ვიდრე არა. ამიტომ ეს არ არის მეოთხეული გავრცელება, ან თუ არის, ერთადერთი შემთხვევაა მხოლოდ“, - განაცხადა ცერცვაძემ.

კითხვაზე, არის თუ არა აღნიშნული პირი ის პაციენტი, რომლის დაინფიცირების წყაროც ცნობილი არ იყო, ცერცვაძე პასუხობს, რომ - კი.

„ამაზეა საუბარი, მაგრამ არ ვიცოდით - სწორი სიტყვა არაა. ამ პაციენტმა იცის ვისგან დაინფიცირდა, მაგრამ ძალიან დარწმუნებული არ არის“, - განაცხადა ცერცვაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა