ირანის ციხეებიდან კიდევ 10 000 პატიმარს გაათავისუფლებენ

კორონავირუსის გავრცელების შესაჩერებლად ირანის ციხეებიდან კიდევ 10 000 პატიმარს გაათავისუფლებენ, - ამის შესახებ ინფორმაციას „ბიბისი“ ირანულ მედიაზე დაყრდნობით ავრცელებს.

მათივე ინფორმაციით, პატიმრები ქვეყნის უმაღლესი სულიერი ლიდერის აითოლა ალი ხამენეის შეწყალების საფუძველზე გათავისუფლდებიან.

ქვეყნის ხელისუფლებამ სამშაბათს განაცხადა, რომ კორონავირუსისგან შექმნილი კრიზისის გამო ციხეებიდან 85 000 პატიმარი გაათავისუფლეს.

ბოლო მონაცემებით, ირანში კორონავირუსის 17 000 შემთხვევაა დადასტურებული, გარდაცვლილთა რაოდენობამ კი 1 100 ადამიანს გადააჭარბა.