მარინა ეზუგბაია - კორონავირუსით ინფიცირებულ 80 წელს გადაცილებულ ქალთან მოსალოდნელია გართულება, შესაძლოა, ცუდი პროგნოზული გამოსავალიც

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ახალი კორონავირუსით ინფიცირებული 80 წელს გადაცილებული პაციენტის ჯანმრთელობის მდგომარეობა მძიმეა და მიუხედავად ადეკვატური მკურნალობისა მოსალოდნელია დაავადების გართულება.

მისივე თქმით, შესაძლებელია, „ცუდი გამოსავალიც“.

„ეს ქალბატონი თავისი რისკების გამო, არის პროგნოზულად სერიოზული და მძიმე. მას ასაკთან ერთად აქვს ძალიან მძიმე ნევროლოგიური დაავადება, რის გამოც ამ ქალბატონთან მიუხედავად დაწყებული სწორი, ადეკვატური მკურნალობისა, მოსალოდნელია დაავადების გართულება და შესაძლებელია, ცუდი პროგნოზული გამოსავალიც, მაგრამ ვიმედოვნებთ, რომ შეიძლება ამას გადავურჩეთ.

დანარჩენ 2 პაციენტზე, რომლებზეც ვლაპარაკობთ, რომ არიან რთული პაციენტები მათი მდგომაროება ჯერჯერობით სტაბილურია, დინამიკაში გაუარესება და პროგრესირება არ შეინიშნება, თუმცა შესაძლებელია, თითოეულ მათგანთან არსებული რისკების გათვალისწინებით გვქონდეს დაავადების გართულებები“, - განაცხადა მარინა ეზუგბაიამ.

მარინა ეზუგბაიას ჟურნალისტებმა მესამე პაციენტის კორონავირუსისგან შესაძლო გამოჯანმრთელების შესახებ ჰკითხეს, რაზეც მან უპასუხა, რომ გამოჯანმრთლების პერიოდი ახლა 20 დღემდე გაიზარდა.

„მე არ მითქვამს ინკუბაციის პერიოდის გახანგრძლივება. მოდით, სწორად გავიგოთ, რასაც ვამბობ, ინკუბაციის პერიოდი არ გახანგრძლივებულა, ეს პერიოდი 2-დან 14 დღემდე არის და რჩება, არ იცვლება. ჩვენ ვსაუბრობთ გამოჯანმრთელების პერიოდზე. ადრე საუბარი იყო, რომ მსუბუქი დაავადების შემთხვევაში, გამოჯანმრთელების ყველაზე ხანგრძლივი პერიოდი მინიმუმ 2 კვირა იყო. ახლა ეს მინიმალური პერიოდი 20 დღემდე გაიზარდა. აღნიშნულის გათვალისწინებით, რადგან გაიზარდა, ე.ი. ასეც აღინიშნებოდა, ალბათ, გამოჯანმრთელება. ვირუსის ერადიკაცია, ანუ ვირუსისგან გათავისუფლება ეტყობა ცოტა გვიანდება პაციენტებში და ამიტომაც დაიდო ასეთი მონაცემები, რადგან ეს მონაცემები დაიდო, ჩვენც აღარ ვჩქარობთ უკვე. თუ ადრე ვაკეთებდით ორი კვირის თავზე, ახლა გადავწიეთ ცოტა ეს პერიოდი და 2 კვირიდან 20 დღემდეა, იმისდა მიხედვით, როგორი კლინიკური მონაცემები აქვთ, როგორი სიტუაცია აქვს ლაბოტორიული მონაცემებით, მათი შეფასება ხდება და ტესტირებაც შესაბამისად წარმოებს“,-განაცხადა ეზუგბაიამ.

მისი თქმით, მეორე და მესამე პაციენტების გამოჯანმრთელების შესახებ მონაცემები შესაძლოა, რამდენიმე დღეში უკვე ცნობილი იყოს.

ინფექციური საავადმყოფოს სამედიცინო დირექტორმა კორონავირუსით ინფიცირებული არასრულწლოვნების მდგომარეობაზეც ისაუბრა. მარინა ეზუგბაიას ინფორმაციით, არასრულწლოვნების ჯანმრთელობის მდგომარეობა არ გაუარესებულა, არის სტაბილურად და „ველოდებით დაავადების ხანგრძლივობის გასვლას, რაც შესაძლებელია, 14 დღიდან 20 დღემდე გაგრძელდეს.“

იხილეთ ვიდეო: კორონავირუსით ინფიცირებულ მოზარდებს მსუბუქი სიმპტომები აქვთ - 86 წლის ქალის მდგომარეობა კი მძიმეა

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)