20 მარტიდან, თიბისი დროებით აჩერებს მხოლოდ რამდენიმე სერვისცენტრის მუშაობას. ამის შესახებ „ინტერპრესნიუსს“ „თიბისიდან“ აცნობეს. მათივე ინფორმაციით, დაიხურება ის სერვისცენტრები, რომლებიც ხალხმრავალ ადგილებში - სავაჭრო ცენტრებში და სასამართლოში მდებარეობს, ასევე, იუსტიციის სახლში.

მსოფლიო ჯანდაცვის ორგანიზაციის რეკომენდაციების თანახმად, თიბისი ურჩევს მომხმარებლებს მაქსიმალურად გამოიყენონ დისტანციური არხები, რომლითაც თითქმის ყველა საბანკო სერვისის მიღება შეუძლიათ.

„ჩვეულ რეჟიმში განაგრძობს მუშაობას თიბისის ფილიალები მთელი საქართველოს მასშტაბით. თიბისი მოუწოდებს მომხმარებლებს ისარგებლონ დისტანციური არხებით. ინფორმაცია სერვისცენტრების და ფილიალების მუშაობის გრაფიკის შესახებ შეგიძლიათ იხილოთ ბმულზე,“ - ნათქვამია ინფორმაციაში.

http://bit.ly/33sPlo1