პაატა იმნაძე ოჯახის პირობებში თვითიზოლაციაში მყოფ პირებს მოუწოდებს, დაიცვან ოჯახის წევრებისგან იზოლაციის წესები
დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილე პაატა იმნაძე ოჯახის პირობებში თვითიზოლაციაში მყოფ პირებს ოჯახის წევრებთან კონტაქტისგან თავის არიდებისკენ მოუწოდებს.
ამის შესახებ მან უწყებათაშორისი საკოორდინაციო საბჭოს სხდომის შემდეგ განაცხადა.
"მინდა ყველას მოვუწოდო, ვინც არის ოჯახურ პირობებში, თვითიზოლაციაში მაქსიმალურად მოერიდნონ ოჯახის წევრებთან კონტაქტსაც, რადგანაც, როგორც ჩვენ ჩვენმა პრაქტიკამ გვაჩვენა, ძალიან ბევრი ვინც ოჯახურ თვითიზოლაციაში იმყოფებოდა, მისი ოჯახის წევრებიც ხდებიან ხოლმე ავად. ოჯახი კი არის იზოლაციაში, მაგრამ ერთმანეთთან არ არიან ხოლმე იზოლაციაში. ამიტომ ვინც არის იზოლაციაში ოჯახში, დაიცავით ერთმანეთისაგან იზოლაციის წესები. რეკომენდაციები მითითებულია ჩვენს ვებ-გვერდზე," - განაცხადა იმნაძემ.
v-if="article.gallery" v-html="article.gallery"
