მართლმსაჯულება მაქსიმალურად დისტანციურ სამართალწარმოების რეჟიმზე გადადის

უზენაეს სასამართლოში, უზენაესი სასამართლოს თავმჯდომარეს, ადვოკატთა ასოციაციის თავმჯდომარეს, იუსტიციის უმაღლესი საბჭოს მდივანს, გენერალურ პროკურორს, იურიდიული დახმარების სამსახურის დირექტორს, იუსტიციის მინისტრის მოადგილესა და სპეციალური პენიტენციური სამსახურის დირექტორის მოადგილეს შორის შეხვედრა გაიმართა. ამის შესახებ „ინტერპრესნიუსს“ უზენაესი სასამართლოდან აცნობეს.

მათი ცნობით, მხარეებმა ახალი კორონავირუსის გავრცელების პრევენციასთან დაკავშირებით ქვეყანაში შექმნილ ვითარებასა და ამ თვალსაზრისით მართლმსაჯულების სრულყოფილად და შეუფერხებლად განხორციელების გზებზე იმსჯელეს.

„შეხვედრის ფარგლებში მხარეები შეთანხმდნენ, რომ მართლმსაჯულება მაქსიმალურად დისტანციურ სამართალწარმოების რეჟიმზე გადავა. იმ საქმეებთან მიმართებით, რომელიც დაკავშირებულია სპეციალურ/შემჭიდროვებულ ვადებთან, იმისთვის, რომ ერთის მხრივ, არ შეფერხდეს მართლმსაჯულების განხორციელება და მეორე მხრივ, მაქსიმალურად იქნას დაცული ვირუსის პრევენციის მიზნით გაცემული რეკომენდაციები, დაინერგა სასამართლო სხდომების დისტანციურად ჩატარების პლატფორმა. აღნიშნული პლატფორმის გამოყენების შესახებ ინსტრუქციებს ასოციაცია ადვოკატებს უახლოეს საათებში მიაწვდის“,-აღნიშნულია ინფორმაციაში.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ბაქოში ევროპის ჩემპიონატის თასი ჩაიტანეს