ჩვენ მზად ვართ დავეხმაროთ ოკუპირებულ ტერიტორიებზე მცხოვრებ ჩვენს მოქალაქეებს,- ამის შესახებ პრეზიდენტმა სალომე ზურაბიშვილმა პარლამენტის საგანგებო სხდომაზე განაცხადა, სადაც საქართველოში კორონავირუსის გამო საგანგებო მდგომარეობის გამოცხადების საკითხს განიხილავენ.

როგორც პრეზიდენტმა აღნიშნა, ოკუპირებულ ტერიტორიაზე მცხოვრები მოქალაქეების პრობლემების შესახებ ის მსოფლიო ჯანდაცვის ორგანიზაციის გენერალური დირექტორს ესაუბრა. „არ შეიძლება, ამ განსაკუთრებულ დროს განსაკუთრებულად არ მოვიხსენიო ოკუპირებულ ტერიტორიებზე მცხოვრები ჩვენი თანამემამულეები. მათი ისედაც უკიდურესად გართულებული ჰუმანიტარული მდგომარეობა დღეს აქტიურ მხარდაჭერას ითხოვს. ამის შესახებ ვესაუბრე მსოფლიო ჯანდაცვის ორგანიზაციის გენერალურ დირექტორს. ჩვენ მზად ვართ დავეხმაროთ ოკუპირებულ ტერიტორიებზე მცხოვრებ ჩვენს მოქალაქეებს,“- განაცხადა სალომე ზურაბიშვილმა.