თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, ამ ეტაპზე ბოქსირებულ განყოფილებაში კვლავ 32 პაციენტი იმყოფება.
მისი თქმით, დღეს კვლევა 8 პაციენტს უნდა ჩაუტარდეს.
„ვინაიდან გავწერეთ ორი და შემოვიდა ორი, დაგვრჩა ისევ 32 პაციენტი.
გუშინ ჩვენთან ჩატარდა 21 პაციენტზე კვლევა ორ ეტაპად. ორი ახალი შემთხვევიდან ერთი მოიყვანეს, მეორე ჩვენთან დადასტურდა, ანუ 21-დან 20 უარყოფითი იყო და 1 არის დადასტურებული.
დღეს დილიდან 8 ახალ პაციენტზე არის ასაღები ტესტი კვლევისთვის, მაგრამ სანამ დამთავრდება ამ პაციენტებთან ტესტის აღება და ეს პროცესი, შეიძლება ეს მაჩვენებელი გაიზარდოს. ხვალ დილით გეტყვით ჯამურად“,- განაცხადა ეზუგბაიამ.