ლევან დავითაშვილის განცხადებით, სადეზინფექციო სამუშაობისთვის 20 ტრაქტორი და 40 ერთეული პიკაპი იქნება გამოყენებული

სოფლის მეურნეობის მინისტრის ლევან დავითაშვილის განცხადებით, სადეზინფექციო სამუშაობისთვის 20 ტრაქტორი და 40 ერთეული პიკაპი იქნება გამოყენებული. მისი თქმით, სადეზინფექციო სამუშაოები უკვე ტარდება საზღვრებზე და ხდება ტვირთების დამუშვება, დეზინფექცია ჩატარდება ასევე ბოლნისისა და მარნეულის მუნიციპალიტეტებში, ხოლო ღამის 12 საათის შემდეგ დეზინფეცია უკვე თბილისში დაიწყება.

მისივე თქმით, თავდაპირველად მოხდება მასიური დეზინფექცია, რომელიც ჩაუტარდება კრიტიკულ ინფრასტრუქტურას, როგორიცაა მეტროს მიმდებარე ტერიტორია, ავტობუსის გაჩერებები და ა.შ.

„დღეს ჩვენი სამინისტროს სურსათის ეროვნული სააგენტოს სპეცტექნიკა გამოყენებულია საზღვრებზე, სადაც ფაქტიურად ყველა ტვირთის შემოსვლისას დამუშავება ხდება. ესენი არიან ადამიანები, რომლებიც სხვადასხვა ღონისძიებებში იღებენ მონაწილეობას, აქვთ გამოცდილება და სპეციალური ეკიპირება. ჩვენ მათ შორის, ბოლნისსა და მარნეულში, კარანტინში შემსვლელ- გამომსვლელ მანქანებს ვამუშავებთ სპეციალური სადეზინფექციო ხსნარით, რომელიც დაავადებათა კონტროლის ცენტრთან არის შეთანხმებული და იქაც ჩვენი ტექნიკაა გამოყენებული. ასევე, თქვენ ხედავთ დამატებით მძიმე ტექნიკას, რომელიც საკარანტინო ზონაში გადაადგილდება დღეს და მოვახდენთ მთლიანად ღია სივრცეების დამუშვებას, მარნეულს ვგულისხმობ და ბოლნისის მუნიციპალიტეტს. რაც შეეხება თბილისს, თქვენ ხედავთ პიკაპებს, რომელიც არის ასევე სპეცტექნიკით აღჭურვილი, რომელიც უკვე ქალაქ თბილისის მნიშვნელოვან კრიტიკულ საჯარო ინფრასტრუქტურას დაამუშავებს სადეზინფექციო ხსნარებით, რომ დაავადებების გავრცელების რისკი მინიმუმამდე დავიყვანოთ. ეს არის აბსოლუტურად უვნებელი მოსახლეობისთვის და არის ის ხსნარები, რომელიც შეთანხმებულია დაავადების კონტროლის ცენტრთან, მუშაობს ძალიან ეფექტურად და ვირუსის გავრცელებას უშლის ხელს.

პირველი დამუშავება მოხდება მასიურად მთელ ქალაქში, შემდეგ ინდივიდუალურად, ხელის აპარატებით მოხდება ინდივიდუალური დამუშავება და საჭიროების შემთხვევაში გავიმეორებთ ასეთ მასიურ დამუშავებას,“- განაცხადა ლევან დავითაშვილმა.

იხილეთ ვიდეო: ლევან დავითაშვილის განცხადებით, სადეზინფექციო სამუშაობისთვის 20 ტრაქტორი და 40 ერთეული პიკაპი იქნება გამოყენებული

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)