ლანა გალდავა - როგორც აფხაზეთი, ასევე ცხინვალის რეგიონი დაუცველია უდიდესი გამოწვევის - კორონავირუსის პანდემიის წინაშე

როგორც აფხაზეთი, ასევე ცხინვალის რეგიონი დაუცველია უდიდესი გამოწვევის - კორონავირუსის პანდემიის წინაშე, - ამის შესახებ პოლიტიკური გაერთიანება ,,ლელო საქართველოსთვის’’ ერთ-ერთმა წევრმა ლანა გალდავამ განაცხადა.

,,როგორც მოგეხსენებათ, 22 მარტს ოკუპირებულ აფხაზეთში გაიმართა ე.წ. საპრეზიდენტო არჩევნები. პოლიტიკურმა გაერთიანებამ - ,,ლელო საქართველოსთვის” არაერთხელ გააჟღერა, რომ როგორც აფხაზეთი, ასევე ცხინვალის რეგიონი დაუცველია უდიდესი გამოწვევის - კორონავირუსის პანდემიის წინაშე. ზემოაღნიშნულმა არჩევნებმა დაგვანახა, რომ დე-ფაქტო ხელისუფლებამ მოსახლეობა კიდევ ერთხელ ჩააყენა რისკ-ჯგუფში, რადგან მთელი წინასაარჩევნო პერიოდი გრძელდებოდა ფართომასშტაბიანი შეხვედრები. მოქალაქეთა ჯანმრთელობის უსაფრთხოება არ იყო დაცული თვით არჩევნების დღესაც, რასაც ასევე ადასტურებენ ადგილობრივი მედიკოსები. ორი კვირის წინ სამედიცინო სფეროს წარმომადგენლები ცხინვალის რეგიონიდან აცხადებდნენ, რომ რეგიონი მოუმზადებელია კორონავირუსის გამოწვევის წინაშე.

გალის რეგიონში შეტანილი ჰუმანიტარული ტვირთიც კი, მოსახლეობის ინფორმაციით, ძალის გამოყენებით წაიღეს სოხუმში. ზემოაღნიშნულიდან გამომდინარე, საქართველოს ხელისუფლებამ უნდა შესძლოს, საერთაშორისო ორგანიზაციების დახმარებით, ჰუმანიტარული ტვირთის თითოეულ მოსახლეობამდე მიტანის უზრუნველყოფა და სტაციონარებს შორის სამართლიანი განაწილება.

საქართველოს ხელისუფლებამ უნდა შეიმუშავოს საკომუნიკაციო სტრატეგია ოკუპირებულ რეგიონებთან მიმართებით:

1) მოხდეს ინფორმაციის შეგროვება და დამუშავება;

2) მიეწოდოთ ოკუპირებულ რეგიონებს როგორც სამედიცინო საშუალებები, ასევე ინვენტარი;

3) მიეწოდოთ საინფორმაციო მასალა კორონავირუსის წინააღმდეგ ბრძოლისთვის ცნობიერების ასამაღლებლად;

4) საოკუპაციო ხაზებთან გათავისუფლდეს საკარანტინე ზონები და სტაციონარი, სიტუაციის დამძიმების შემთხვევაში ოკუპირებული რეგიონებიდან მოსახლეობის მისაღებად და სამედიცინო დახმარების აღმოსაჩენად;

5) ასევე წინასწარ დაიგეგმოს საველე ჰოსპიტლების გამართვის საკითხი საჭიროებისამებრ;

6) საქართველოს ხელისუფლებამ უნდა იზრუნოს ოკუპირებულ ტერიტორიებზე მცხოვრები პირების ოჯახის იმ წევრებზე, რომლებიც საქართველოს სხვა რეგიონებში არიან.

აქვე მსურს, წინასწარ გამოვთქვა იმედი, რომ აღდგომის დღესასწაულთან დაკავშირებით ხელისუფლებას გათვითცნობიერებული აქვს ყველა რისკი, რაც ახლავს შიდა მიგრაციულ პროცესებს და რა საფრთხის მატარებელი შეიძლება აღმოჩნდეს მთელი საქართველოსთვის!’’ - განაცხადა ლანა გალდავამ.

აღნიშნულ კომენტარს პოლიტიკური გაერთიანება „ლელო საქართველოსთვის“ ავრცელებს.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 09.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს