ქეთევან ციხელაშვილმა აშშ-ის ელჩთან ახალი კორონავირუსის გავრცელების საფრთხის ფონზე ოკუპირებულ ტერიტორიებზე არსებულ ვითარებასთან დაკავშირებით ისაუბრა

სახელმწიფო მინისტრმა ქეთევან ციხელაშვილმა საქართველოში ამერიკის შეერთებული შტატების საგანგებო და სრულუფლებიან ელჩთან, კელი დეგნანთან დისტანციური წესით, ვიდეო-შეხვედრა გამართა. ამის შესახებ ინფორმაციას შერიგებისა და სამოქალაქო საკითხებში სახელმწიფო მინისტრის აპარატი ავრცელებს.

უწყების ინფორმაციით, შეხვედრაზე შერიგებისა და ჩართულობის სახელმწიფო პოლიტიკაზე, მის ფარგლებში დაგეგმილ და გადადგმულ ნაბიჯებზე ისაუბრეს.

ქეთევან ციხელაშვილმა ელჩს დეტალური ინფორმაცია მიაწოდა ახალი კორონავირუსის გავრცელების საფრთხის ფონზე ოკუპირებულ ტერიტორიებზე არსებულ ვითარებასთან დაკავშირებით, მათ შორის, იქ მცხოვრები ადამიანების საჭიროებების შესახებ. მინისტრმა დიპლომატს მადლობა გადაუხადა აშშ-ს ჩართულობისა და მხარდაჭერისთვის და აღნიშნა, რომ ამ პროცესში ძალიან მნიშვნელოვანია საერთაშორისო პარტნიორების დახმარება, მათ შორის, ამერიკის შეერთებული შტატების, როგორც სტრატეგიული პარტნიორის, რომელიც ამ დრომდე აფხაზეთის რეგიონში მნიშვნელოვან პროექტებს ახორციელებს, მათ შორის, ჯანდაცვის კუთხით. როგორც მინისტრის აპარატში აცხადებენ, საუბარი აგრეთვე შეეხო ოკუპირებულ ტერიტორიაზე ადამიანის უფლებათა დარღვევის ფაქტებს, ჟენევის საერთაშორისო მოლაპარაკებების შემდგომ სავარაუდო რაუნდს, ასევე საქართველოს მთავრობის სამშვიდობო ინიციატივას „ნაბიჯი უკეთესი მომავლისკენ“ და მის სამომავლო განხორციელებას იმისთვის, რომ გაუმჯობესდეს ოკუპირებულ ტერიტორიებზე მცხოვრები მოსახლეობის სოციალურ-ეკონომიკური მდგომარეობა. კელი დეგნანმა სრული მხარდაჭერა გამოთქვა სამშვიდობო ინიციატივის მიმართ. უწყების თანახმად, შეხვედრაზე ასევე განხილული იქნა სახელმწიფო პოლიტიკა ეთნიკური უმცირესობების ინტეგრაციის მიმართულებით. ამ მხრივ, მინისტრმა ელჩს მადლობა გადაუხადა ამერიკის შეერთებული შტატების მხრიდან გაწეული დახმარებისთვის. მათ შორის USAID-ის მიერ ეთნიკური უმცირესობებით დასახლებულ რეგიონებში კორონავირუსთან დაკავშირებული აზერბაიჯანულ და სომხურენოვანი საინფორმაციო მასალის დამზადებაში შეტანილი წვლილისთვის.

შეხვედრის ბოლოს ქეთევან ციხელაშვილმა ელჩს ამერიკის შეერთებული შტატების, როგორც სტრატეგიული პარტნიორის მხრიდან, საქართველოს სუვერენიტეტისა და ტერიტორიული მთლიანობისადმი, ასევე სამშვიდობო პოლიტიკისადმი გამოხატული მხარდაჭერისთვის მადლობა გადაუხადა. მხარეები თანამშრომლობის გაგრძელებასა და გაღრმავებაზე შეთანხმდნენ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"