საქართველოს მთავრობამ, 24 საათის ცდის შემდეგ, ეტყობა, ელოდებოდნენ სანამ ბუნკერში მყოფ ივანიშვილს დაეკითხებოდნენ, უარი თქვა ჩემს შეთავაზებაზე და კონკრეტულ გეგმაზე დაუყოვნელივ ჩამოვიყვანოთ 1000 ქართველი, ვინც ახლა ევროპაში არის, - ამის შესახებ საქართველოს ყოფილმა პრეზიდენტმა მიხეილ სააკაშვილმა „ფეისბუქის“ საკუთარ გვერდზე ვიდეომიმართვისას განაცხადა.

როგორც სააკაშვილმა აღნიშნა, საქართველოს მოქალაქეების სასამშობლოში უფასოდ ჩაყვანის შეთავაზებას საქართველოს მთავრობა ბლოკავს.

„საქართველოს მთავრობამ, 24 საათის ცდის შემდეგ, ეტყობა, ელოდებოდნენ სანამ ბუნკერში მყოფ ივანიშვილს დაეკითხებოდნენ, უარი თქვა ჩემს შეთავაზებაზე და კონკრეტულ გეგმაზე, დაუყოვნებლივ ჩამოვიყვანოთ 1000 ქართველი, ვინც ახლა ევროპაში არის, შემდგომი ორი კვირის განმავლობაში დამატებით, თვითმფრინავით - 4000 და 5 000 ადამიანი საბერძნეთიდან და თურქეთიდან ავტობუსით.ეს არ არის ზოგადი გეგმა.

ავიაკომპანია „სკაი აპი“ უკრაინული მთავარი ლოგოს გადამზიდავი, მზად არის და რეისები ჩანიშნული აქვს ვარშავიდან 31-ში, ბერლინიდან 1-ელში, რომიდან 2-ში. რამდენიმე სხვა ქალაქიდან ჩვენი ხალხის მასობრივად გამოყვანის საშუალება არის. მე მინდა ხაზი გავუსვა, რომ ჩვენ ამას ჩვენი მეგობრების დახმარებით ვაკეთებთ, რომლებიც ამ საქმეში შეგვეხიდნენ, ვისაც საქართველო უყვარს და პატივს მცემენ მე. საქართველოს მოქალაქეებს საქართველოში ჩამოსვლა არცერთი ევრო არ დაუჯდებათ. არა 180 ევრო, არა 200 ევრო - 0 , ჩვენ უფასოდ მოგვყავს ჩვენი ხალხი. აი, ასეთ შეთავაზებას საქართველოს მთავრობა ბლოკავს. საქართველოს მთავრობიდან ჩვენ გვჭირდება მხოლოდ ერთი - თვითმფრინავების დაშვების ნებართვა, ამ ხალხის კარანტინში გაგზავნის თანამშრომლობა ისე, რომ დანარჩენ მოქალაქეებს საფრთხე არ შეექმნათ. მე მინდა, ახლა ვუთხრა ჩვენს მოქალაქეებს, რომლებიც არიან ევროპაში გაჭედილი. ჩემი შეთავაზება ძალაშია. დაუყოვნებლივ მიმართეთ, საქართველოს მთავრობამ თქვენს ქვეყანაში თქვენი უფასოდ დაბრუნების დაბლოკვა მოხსნას. უახლოეს დღეებში ჩვენ მზად ვართ 10 000 თქვენგანი ევროპიდან საქართველოში ჩავიყვანოთ, უფასოდ, ხელახლა ვიმეორებ. უსაფრთხოების ყველა ნორმის დაცვით. ერთადერთი, საქართველოს მთავრობის მხრიდან აკრძალვა უნდა მოიხსნას. დაუყოვნებლივ მიმართეთ საქართველოს მთვარობას, ბატონ გახარიას და მის პატრონს ივანიშვილს. ჩვენ, პარალელურად მაინც გვაქვს ეს შეთავაზება და ვეზადებით, როცა ისინი ამ ბლოკს მოხსნიან“, - განაცხადა მიხეილ სააკაშვილმა.