ინფექციური საავადმყოფოს სამედიცინო დირექტორის მარინა ეზუგბაიას განცხადებით, მის კლინიკაში კორონავირუსით ინფიცირებული 31 პაციენტი რჩება, რომელთაგან ორი საავადმყოფოს დატოვებისთვის ემზადება. როგორც ეზუგბაიამ ჟურნალისტებს განუცხადა, 90 ინფიცირებულიდან დანარჩენი 44 სხვა დაწესებებულებებშია განაწილებული.

„90 პაციენტიდან 46 არის ჩვენი პაციენტი, დანარჩენი 44 კოვიდის მიმღებ დანარჩენ 6 დაწესებულებაზეა გადანაწილებული. აქედან 15 წავიდა, ორი ემზადება წასასვლელად“,- განაცხადა ეზუგბაიამ.

ცნობისთვის, ამ დროისთვის საქართველოში კორონავირუსით დაინფიცირების 90 დადასტურებული შემთხვევა ფიქსირდება. მათგან 18 გამოჯანმრთელდა. კარანტინის რეჟიმში 4717 ადამიანი იმყოფება, ხოლო სტაციონარში მეთვალყურეობის ქვეშ - 268 პირია.