ქვემო ქართლში სახელმწიფო რწმუნებული - დღის პირველ ნახევარში ლაბორატორიიდან დასკვნას ელოდება კორონავირუსის სიმპტომატიკის მატარებელი 6 პირი

ქვემო ქართლში სახელმწიფო რწმუნებულის, შოთა რეხვიაშვილის განცხადებით, მარნეულში კორონავირუსის შესაძლო შემთხვევებზე ლაბორატორიის დასკვნას ჯამში 9 პაციენტი ელოდება.

როგორც რეხვიაშვილმა ჟურნალისტებს განუცხადა, მათგან 6 პირის მონაცემი დღის პირველ ნახევარში გახდება ცნობილი.

გუბერნატორის ინფორმაციით, პაციენტების მდგომარეობა საგანგაშო არ არის.

„საველე ჰოსპიტალში, დღეის მდგომარეობით, დღის პირველ ნახევარში ელოდება დასკვნას სიმპტომატიკის მატარებელი 6 პირი. საღამოს დაემატა სამი ადამიანი, რომელთა საკვლევი მასალა გადაიგზავნება თბილისში, ცენტრში და დაველოდებით დასკვნას. მათთან მდგომარეობა არ არის რაღაც განსაკუთრებულად საგანგაშო, არის სიმპტომატიკა“, - განაცხადა რეხვიაშვილმა.