თბილისის სახელმწიფო სამედიცინო უნივერსიტეტი განცხადებას ავრცელებს

თბილისის სახელმწიფო სამედიცინო უნივერსიტეტი განცხადებას ავრცელებს.

"მსოფლიოში შექმნილმა საგანგებო მდგომარეობამ ახალი ვირუსის (Sars-Cov-2) წინააღმდეგ საყოველთაო მობილიზება გახადა საჭირო. COVID -19-ის დასამარცხებლად ბრძოლაში თავისი წვლილი შეაქვს თბილისის სახელმწიფო სამედიცინო უნივერსიტეტს.

საყოველთაოდ ცნობილია, რომ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკა COVID-19-თან ბრძოლის წინა ხაზზეა. აქ არსებული უახლესი სამედიცინო ტექნიკა, რა თქმა უნდა, განსაზღვრავს შესრულებული სამუშაოს ხარისხს, თუმცა წარმატების მთავარი მიზეზი ის გახლავთ, რომ აქ მუშაობენ გამოცდილი პროფესიონალები, თსსუ-ის პროფესორები.

გარდა პირველი საუნივერსიტეტო კლინიკისა, თსსუ-ის პროფესორები ასევე მუშაობენ „რესპუბლიკურ საავადმყოფოში“, ვახტანგ ბოჭორიშვილის კლინიკაში და სხვ.

თბილისის სახელმწიფო სამედიცინო უნივერსიტეტისათვის სოციალური პასუხისმგებლობა პრიორიტეტული იყო ყოველთვის, მითუმეტეს დღეს, როცა საქართველო ძალიან სერიოზული გამოწვევის წინაშე დგას. სწორედ ამიტომ, თბილისის სახელმწიფო სამედიცინო უნივერსიტეტმა COVID -19-ის საქართველოში გავრცელების პრევენციის ფონდში საკუთარი შემოსავლებიდან ერთი მილიონი ლარი გადარიცხა.

COVID-19-თან ბრძოლაში მობილიზებულები არიან თბილისის სახელმწიფო სამედიცინო უნივერსიტეტის სტუდენტები. ისინი აქტიურ მონაწილეობას იღებენ კორონავირუსის გავრცელების აღკვეთის ღონისძიებებში: მუშაობენ თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში, „რესპუბლიკურ საავადმყოფოში“, სიმონ ხეჩინაშვილის სახელობის კლინიკაში, კლინიკა ჯერარსში, დაავადებათა კონტროლის და საზოგადოებრივი ჯანმრთელობის ეროვნულ ცენტრში, საზოგადოებრივი უსაფრთხოების მართვის ცენტრში - 112, მორიგეობენ საკარანტინო ზონებში, უფასო სადილის გამცემ მუნიციპალურ სასადილოებში და სხვ. ახალგაზრდები მზად არიან, ყველაზე რთულ სიტუაციაშიც კი, საკუთარი შრომით დაიცვან საზოგადოება სახიფათო ვირუსისგან.

თბილისის სახელმწიფო სამედიცინო უნივერსიტეტის ინიციატივით, მომავალი კვირიდან ამოქმედდება უფასო დისტანციური კონსულტაციის სერვისი, რისი საშუალებითაც თბილისის სახელმწიფო სამედიცინო უნივერსიტეტის პროფესორები უერთდებიან კამპანიას #დარჩისახლში და მოქალაქეებს დაეხმარებიან ჯანმრთელობასთან დაკავშირებული სხვადასხვა საკითხის (გარდა COVID-19-თან დაკავშირებული კითხვებისა, ასეთ დროს უნდა დარეკოთ 1505-ზე ან 116001-ზე) მოგვარებაში.

დარჩი სახლში!

თქვენზე ჩვენ ვიზრუნებთ!", - ნათქვამია ინფორმაციაში.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)