რესპუბლიკურ საავადმყოფოში დღეს კორონავირუსზე კვლევა 13 პაციენტს ჩაუტარდება
რესპუბლიკური საავადმყოფოს დირექტორის, ლევან გოფოძის განცხადებით, მათ კლინიკაში დღეს კორონავირუსზე კვლევა 13 პაციენტს ჩაუტარდება.
როგორც გოფოძემ ჟურნალისტებს განუცხადა, მათთან კორონავირუსით ინფიცირებული არცერთი პაციენტი არ იმყოფება.
„დღეს კიდევ 13 პაციენტს ჩაუტარდება ტესტირება. გადაცემულია მათი სია და მოვა ლაბორატორია ამის გასაკეთებად. ამჟამად რესუბლიკურ საავადმყოფოში კოვიდინფიცირებლი პაციენტი არ გვყავს.
იცით, რომ რესპუბლიკური საავადმყოფო კურატორობას უწევს რამდენიმე ათეულ საკარანტინო ზონას და ბუნებრივია, თუ იქ რამე პრობლემა ჩნდება, ან ცხელებაა, ან ხველა, ან ნიშნები, ყველა გადმოგვყავს სასწრაფო დახმარების მანქანით“, - განაცხადა ლევან გოფოძემ.
ცნობისთვის, ბოლო მონაცემებით საქართველოში კორონავირუსის 110 შემთხვევაა დადასტურებული, მათგან 21 გამოჯანმრთელდა.
v-if="article.gallery" v-html="article.gallery"
