განათლების მინისტრის მოადგილის განცხადებით, 2019-20 სასწავლო წლის მეორე სემესტრი არ ჩავარდება
განათლების, მეცნიერების, კულტურისა და სპორტის სამინისტრო ყველაფერს აკეთებს დისტანციური სწავლების გასაძლიერებლად, - ამის შესახებ განათლების მინისტრის მოადგილემ, ეკატერინე დგებუაძემ განაცხადა. მისი თქმით, დისტანციური სწავლების გაძლიერებაში იგულისხმება როგორც ონლაინ სწავლება, ასევე პროექტი „ტელესკოლა“.
„ეს ყველაფერი, ამ ეტაპზე, საშუალებას გვაძლევს, ვთქვათ, რომ 2019-20 სასწავლო წლის მეორე სემესტრი არ ჩავარდება. განათლების, მეცნიერების, კულტურისა და სპორტის სამინისტრო მიყვება უწყებათაშორისი საკოორდინაციო საბჭოს რეკომენდაციებს. შესაბამისად, მსოფლიოში ახალი კორონავირუსის პანდემიით გამოწვეული ვითარების გათვალისწინებით, ჩვენ ვმუშაობთ მოვლენათა განვითარების ყველა შესაძლო სცენარზე,“- განაცხადა ეკატერინე დგებუაძემ.
