დავით ზალკალიანის განცხადებით, მობილიზებული ჰყავთ აშშ-ში მოღვაწე ქართველი ექიმები, რათა იქ მყოფ საქართველოს მოქალაქეებს პირველადი დახმარება აღმოუჩინონ და კონსულტაცია გაუწიონ
საქართველოს საგარეო საქმეთა მინისტრის, დავით ზალკალიანის განცხადებით, აშშ-ში მობილიზებული ჰყავთ შტატებში მოღვაწე ქართველი ექიმები, რათა იქ მყოფ საქართველოს მოქალაქეებს პირველადი დახმარება აღმოუჩინონ და კონსულტაცია გაუწიონ.
მინისტრის თქმით, ექიმების მიერ მიწოდებული ინფორმაცია საქართველოს მოქალაქეებისთვის სასარგებლოა.
„ვისაუბრეთ იმ მექანიზმებზე, რაც გააჩნია საქართველოს წარმომადგენლობებს ვაშინგტონში და ნიუ-იორკში, რათა ჩვენს მოქალაქეებს აღმოვუჩინოთ პირველადი დახმარება, მათ შორის, კონსულტაციების სახით. მობილიზებული გვყავს ე.წ. „ფრილანსერი“ ექიმები, ასევე აშშ-ში მოღვაწე ქართველი ექიმები. მათი მხრიდან მიღებული ინფორმაცია ძალიან სასარგებლოა ჩვენი მოქალაქეებისთვის, რადგან აშშ-ში საკუთარ მოქალაქეებსაც სახლის პირობებში უწევენ კონსულტაციას და მკურნალობას. მსგავსი სახის კონსულტაციები საელჩოს და საკონსულოების მხრიდან ძალიან მნიშვნელოვანია“, - აღნიშნა ზალკალიანმა საქართველოს საკონსულოების ხელძღვანელებთან ვიდეოკონფერენციის დასრულების შემდეგ.
v-if="article.gallery" v-html="article.gallery"
