"ახალი საქართველოს" თავმჯდომარე გიორგი ვაშაძე აცხადებს, რომ ტესტების ჩამოტანასთან დაკავშირებით დრო დაიკარგა, დღეს კი ამ ტესტების მოპოვება საერთაშორისო ბაზარზე დიდი მოთხოვნიდან გამომდინარე რთულია. გიორგი ვაშაძის ამ განცხადებას "ახალი საქართველოს" პრესსამსახური ავრცელებს.

ვაშაძის თქმით, სხვა გზა გარდა იმისა, რომ მასიურად მოხდეს ადამიანების დატესტვა და დიაგნოსტიკა როგორც ლაბორატორიული ტესტით, ასევე სწრაფი ტესტით არ არსებობს.

"სამწუხაროდ, ჩვენ დავკარგეთ ყველაზე დიდი ფასეული, რაც არის დრო, ტესტების ჩამოტანასთან დაკავშირებით. 13 მარტიდან, როცა ამაზე ავტეხე ამბავი, შეიძლებოდა, ასობითაც ტესტის ჩამოტანა. დღეს კიდევ უფრო გულწრფელად მინდა, ვთქვა, რომ უფრო და უფრო რთულია ამ ტესტების მოპოვება, იმიტომ რომ მოთხოვნა საერთაშორისო ბაზარზე არის ძალიან დიდი და ეს შეცვლილი ალგორითმიც აჩვენებს, რომ ჩვენ სხვა გზა გარდა იმისა, რომ მასიურად მოხდეს ადამიანების დატესტვა და დიაგნოსტიკა როგორც ლაბორატორიული ტესტით, ასევე სწრაფი ტესტით არ არსებობს" ,- ახადებს გიორგი ვაშაძე.