დიდი ბრიტანეთის მთავარი ოპოზიციური პარტიის - „ლეიბორისტების“ ახალი ლიდერი სერ კიარ სტარმერი გახდა. Euronews-ის ინფორმაციით, მან კენჭისყრის პირველ რაუნდში ხმათა 56.2 % მოიპოვა და მეტოქეები- რებეკა ლონგ-ბეილი და ლიზა ნენდი დაამარცხა.
„ლეიბორისტული პარტიის“ ლიდერად არჩევა ჩემი ცხოვრების უდიდესი პრივილეგია და პატივია. მე პარტიას ახალ ერაში თავდაჯერებულობითა და იმედით გავუძღვები, რომელიც ჩვენ გამარჯვებასა და ხელისუფლებაში მოსვლას მოგვიტანს“, - დაწერა პარტიის ახალმა ლიდერმა სოციალურ ქსელ „ტვიტერის“ საკუთარ გვერდზე.
შეგახსენებთ, სტარმერამდე „ლეიბორისტული პარტიის“ ლიდერის თანამდებობას ჯერემი კორბინი იკავებდა.