მარინა ეზუგბაიას განცხადებით, ინფექციურ საავადმყოფოში კრიტიკულ მდგომარეობაში კორონავირუსით ინფიცირებული ერთი პაციენტი რჩება

თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით, მის კლინიკაში კრიტიკულ მდგომარეობაში მყოფი მხოლოდ ერთი პაციენტი რჩება, დანარჩენი 4-ის მდგომარეობა სტაბილურია.

როგორც მარინა ეზუგბაიამ ჟურნალისტებს განუცხადა, ამ 4 პაციენტთან დაავადების პროგრესირება შეჩერებულია.

„კრიტიკულ პაციენტად ვაფასებთ ერთ პაციენტს. დანარჩენი 4 პაციენტი სტაბილურ მდგომარეობაშია. მათთან დაავადების პროგრესირება შეჩერებულია, აღარ გაგრძელებულა და იმედია, რამდენიმე დღეში ვიტყვი, რომ ისინი ჩვეულებრივ, მძიმე პაციენტები არიან.

ჯერჯერობით რჩებიან ჩვენს კლინიკაში არასრულწლოვნებიც. 2 არასრულწლოვანია და მათი კვლევის შედეგების პერიოდიც დადგა და ალბათ, ისინიც დატოვებენ კლინიკას გამოჯანმრთელებულები“, - განაცხადა ეზუგბაიამ.

მისივე ინფორმააციით, დღეს დილით ინფექციურ საავადმყოფოში ტესტი 15 პაციენტს გაუკეთეს.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს