გია ვოლსკი - დარწმუნებული ვარ, სოლიდარობის აქციას კიდევ შეუერთდებიან ცალკეული პირები და ორგანიზაციები

პარლამენტის თავმჯდომარის პირველი მოადგილის გია ვოლსკის განცხადებით, „ქართული ოცნების“ მიერ COVID19-თან გამკლავებისთვის შექმნილ სოლიდარობის ფონდში მნიშვნელობა არ აქვს ვინ, რა რესურსით ჩაერთვება, მთავარი სოლიდარობაა.

„კარგია, რომ „ქართული ოცნების“ ინიციატივაა, მე პირადად ძალიან მოხარული ვარ ამ ინიციატივით, მაგრამ ერთიც უნდა გვახსოვდეს, რომ მნიშვნელობა არ აქვს „ქართული ოცნების“ წევრი ხარ, თუ არა, მნიშვნელობა არ აქვს, რა თანხა შეგაქვს სოლიდარობის ფონდში და რა რესურსით უერთდები საერთო აქციას. უამრავი ახალგაზრდა არის ჩართული უნივერსიტეტებიდან, აუცილებლად უნდა აღვნიშნო, სამედიცინო ინსტიტუტი, თუ როგორ მუშაობენ ისინი ექიმების გვერდით. ბევრი ხალხია ჩართული, თანხითაც ბევრი შემოვიდა. ზოგს ბევრი, ზოგს ნაკლები შესაძლებლობები აქვს, მაგრამ სოლიდარობის აქტი სწორედ იმით არის მნიშვნელოვანი, რომ ყველას იმ რაოდენობის რესურსი შეაქვს საერთო პრობლემებიდან გამოსვლისთვის, რამდენიც მას ხელეწიფება. დარწმუნებული ვარ, ამ აქციას კიდევ შეუერთდებიან ცალკეული პირები, ორგანიზაციები, დაწესებულებები და ა.შ.“, - განაცხადა ვოლსკიმ.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს