„პსპ დაზღვევის" დირექტორის განცხადებით, რა ტიპის ჩართულობა სურს სახელმწიფოს კორონავირუსთან დაკავშირებით ფინანსური მხარდაჭერის საკითხში სადაზღევო კომპანიისგან, ჯერჯერობთ უცნობია

„პსპ დაზღვევის" დირექტორის სოფია ლებანიძის განცხადებით, რა ტიპის ჩართულობა სურს სახელწიფოს კორონავირუსთან დაკავშირებით დაფინანსების საკითხში სადაზღევო კომპანიისგან, ჯერჯერობით უცნობია, რადგან კორონავირუსის მკურნალობაზე ფინანსური მხარდაჭერისთვის სადაზღვევო კომპანიას მთავრობის მხრიდან არავინ დაკავშირებია.

როგორც მან „ინტერპრესნიუსს" განუცხადა, სადაზღვევო კომპანიას ბევრი შესაძლებლობა გააჩნია, მაგრამ ეს უნდა იყოს სინქრონიზებული რესურსებთან, სამინისტროს მოთხოვნებთან და რაც ყველაზე მთავარია, ქვეყნის მოთხოვნებთან.

„რესურსის თქმა არა მხოლოდ მე, სავარაუდოდ, არცერთ სადაზღვევო კომპანიას არ შეეძლება, იქიდან გამომდინარე, რომ არ ვიცით ჯერჯერობით სამინისტროს პოზიცია, ვიცით მხოლოდ ის, რომ სამინისტრო აპირებს კერძო სადაზღვევო ინდუსტრიასთან კონსულტაციებს და ამ კონსულტაციებში რა იქნება, ოჯახის ექიმების ჩართულობა იქნება, ტესტირება იქნება, სტაციონალური სერვისების ანაზღაურება იქნება თუ კიდევ რა, ამის გარკვევის შემდეგ შეგვიძლია დავზუსტდეთ საორიენტაციო ფინანსური რესურსების მობილიზებაზე. სანამ ეს მოცემულობა არ გვაქვს, ვერანაირი პასუხს ვერ გაგცემთ რა რესურსებთან გვაქვს საქმე,"- განაცხადა სოფია ლებანიძემ.

მისივე თქმით, სადაზღვევო კომპანიას სხვადასხვა სერვისი აქვს, მათ შორის: საოჯახო მედიცინის მიწოდება, სერვისების ორგანიზება, ამბულატორიული სერვისების მიწოდება, ოჯახის ექიმი.

„ჩვენ გავეცანით გუშინდელ განცხადებას რაც მინისტრმა ბრძანა. რეალურად ჩვენთან კავშირი ამ საკითხზე არ ყოფილა. გარკვეულწილად ველოდებით ჯანდაცვის სამინისტროდან შეხმიანებას. აბსოლუტურად ღია ვართ ნებისმიერ დისკუსიაში მონაწილეობისთვის. რა მოდელი წავა, როგორი მექანიზმით უნდა მოხდეს ანაზღაურება და ა.შ. ამ მოსაზრებას ვერ გაგიზიარებთ, რადგან ჯერ არ ვიცით ამ საკითხთან დაკავშირებით სამინისტროს პოზიცია. ჯერჯერობით მხოლოდ მინისტრის განცხადების დონეზე გვაქვს ინფორმაცია. რაც შეეხება ვარიანტებს, სხვადასხვა ვარიანტი და შესაძლებლობა შეიძლება არსებობდეს. რეალურად აქ საუბარი არის სამ კომპონენტზე და რეალურად არ ვიცით სამინისტროს პოზიცია რა იქნება.

1. ტესტირების საკითხი.

2. ამბულატორიული მომსახურების ანაზღაურება

3. სტაციონალური სერვისების ანაზღაურება. განვმეორდები, რადგან არ ვიცით სამინისტროს და მინისტრის პოზიცია, არ გვაქვს კონკრეტული მოთხოვნა და მოსაზრებები, რა ნაწილში ფიქრობენ ისინი სადაზღვევო კომპანიების ჩართულობასა და მონაწილეობას, კონკრეტულ წინანადებებს ვერ ჩამოვაყალიბებთ," - აღნიშნა სოფია ლებანიძემ.

შეგახსენებთ, რომ გუშინ, საკოორდინაციო საბჭოს სხდომის დასრულების შემდეგ „პალიტრანიუსის" კითხვის საპასუხოდ ჯანდაცვის მინისტრმა ეკატერინე ტიკარაძემ განაცხადა, რომ კოვიდინფექციის მკურნალობის ხარჯებს მთლიანად სახელმწიფო ფარავს, თუმცა, კერძო სადაზღვევო კომპანიებთან ფინანსურ მხარდაჭერაზე მოლაპარაკებები გაიმართება.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!