ოკუპირებული აფხაზეთის დე-ფაქტო ხელისუფლება მდინარე ფსოუზე ე.წ. სახელმწიფო საზღვარს კეტავს, - ამის შესახებ ინფორმაციას „აფსნიპრესი“ ავრცელებს.
გამოცემის ცნობით, ე.წ. „პრეზიდენტის“ მოვალეობის შემსრულებლის, ვალერი ბგანბას განკარგულების თანახმად, „საზღვარი“ დღეიდან 20 აპრილამდე ყველა კატეგორიის მოქალაქისთვის დაიკეტება.
ე.წ. დოკუმენტში აღნიშნულია, რომ ფსოუზე გადაადგილების უფლება მიეცემათ მხოლოდ დიპლომატებს, რუსეთის თავდაცვის სამინისტროს, ასევე რუსეთის უსაფრთხოების ფედერალური სამსახურის თანამშრომლებს და სატვირთოს მძღოლებს.
შეგახსენებთ, აფხაზეთში გუშინ კორონავირუსით ინფიცირების პირველი შემთხვევა დადასტურდა.