საერთაშორისო გავლენიანი ორგანიზაცია „ამნესტი ინთერნეშენალი“ ფილიპინებს მოუწოდებს, სასწრაფოდ გამოიძიოს ის ძალადობრივი ქმედებები, რომელიც სამართალდამცველებმა ჩაიდინეს კომენდანტის საათის დროს დაკავებულების წინააღმდეგ. ორგანიზაციის ცნობით, ფილიპინები მოსახლეობის დასასჯელად დამამცირებელ ზომებს მიმართავს. კერძოდ, საუბარია ლგბტქ თემის სამი წევრის მიმართ დამამცირებელ ქმედებებზე, რომლის ამსახველი ვიდეოები სოციალურ ქსელში გავრცელდა. ასევე ვრცელდება კადრები, როდესაც სამართალდამცველები კანონდამრღევევებს, მათ შორის ბავშვებს ძაღლების ვოლიერებსა და გალიებში კეტავენ.
ცნობისთვის, რამდენიმე დღის წინ, ფილიპინების პრეზიდენტმა, როდრიგო დუტერტემ სამართალდამცველებს ნებართვა მისცა კარანტინის დამრღვევ პირებს ესროლონ და მოკლან.