სომხეთში ერთი დღე-ღამის მანძილზე კორონავირუსის 28 ახალი შემთხვევა გამოვლინდა, რითაც ქვეყანაში ინფიცირებულთა მთლიანმა რაოდენობამ 881-ს მიაღწია. ინფორმაციას დაავადებათა კონტროლისა და პრევენციის ცენტრი ავრცელებს.
ამასთან, ქვეყანაში კორონავირუსით გუშინ კიდევ ერთი პაციენტი დაიღუპა და გარდაცვლილთა რაოდენობამ 9 ადამიანი შეადგინა. ამ დროისთვის მკურნალობას საავადმყოფოებში 758 პირი გადის.