არ არსებობს მტკიცებულება, რომ კორონავირუსისგან გამოჯანმრთელებულ პაციენტებს ვირუსის წინააღმდეგ იმუნიტეტი აღენიშნებათ, - ამ განცხადებას ჯანდაცვის მსოფლიო ორგანიზაცია ავრცელებს. როგორც ორგანიზაციაში აცხადებენ, ისინი კორონავირუსისგან გამოჯანმრთელებულ პაციენტებს აკვირდებიან და მიიჩნევენ, რომ ვირუსის დამარცხების შემდეგ პაციენტები განმეორებით დაინფიცირებისგან დაცულები არ არიან. ჯანდაცვის მსოფლიო ორგნიზაციის განცხადებაში ნათქვამია, რომ ზოგიერთი მეცნიერის ვარაუდი კორონავირუსისგან განკურნებული პაციენტების საშუალებით ვირუსის საწინააღმდეგო ვაქცინის შექმნის შესახებ, დადასტურებული არ არის.

ბოლო მონაცემებით, მსოფლიოში კორონავირუსით 2 850 000-ზე მეტი ადამიანი დაინფიცირდა, ვირუსს 200 000-მდე ადამიანი ემსხვერპლა.