დაავადებათა კონტროლისა და საზოგადოებრივი ჯანმრთელობის ეროვნული ცეტრის გადამდებ დაავადებათა დეპარტამენტის ხელმძღვანელის, ხათუნა ზახაშვილის განცხადებით, კორონავირუსით ინფიცირებისა და მისი რთული მიმდინარეობის მომატებული რისკის ქვეშ არიან გულ-სისხლძარღვთა სისტემის დაავადების მქონე პაციენტები.

ამასთანავე, მისი თქმით, ის არ იცნობს სპეციალიზებულ კვლევას, რომელიც დაადასტურებს, რომ ალერგიული რინიტი გავლენას ახდენს კოვიდინფექციის მიმდინარეობაზე. ამის შესახებ ხათუნა ზახაშვილმა კითხვის საპასუხოდ განაცხადა, თუ რამდენად არიან რისკის ქვეშ ასთმისა და ალერგიული რინიტის მქონე ადამიანები.

„არაერთხელ იყო აღნიშნული, რომ ადამიანები, რომლებსაც აქვთ სასუნთქი გზების ქრონიკული დაავადებები, არიან მომატებული რისკის ქვეშ, უფრო მძიმედ წავიდეს მათთან კოვიდინფექცია, თუმცა გასათვალისწინებელია, რომ ჯერჯერობით რაიმე სპეციალიზებული კვლევის შედეგი, რომელიც ანიშნებს, რომ ალერგიული რინიტი გავლენას ახდენს კოვიდინფექციის მიმდინარეობაზე, მე პირადად არ მინახავს. ამასთან, ერთმნიშვნელოვნად არის ყველგან ხაზგასმული, რომ მომეტებული რისკის ქვეშ არის გულ-სისხლძარღვთა დაავადების მქონე პაციენტები,“- განაცხადა ხათუნა ზახაშვილმა.