ბორის ჯონსონი - კორონავირუსის გავრცელების პიკზე ვიმყოფებით, გამოიჩინეთ მოთმინება იზოლაციის მიმართ

დიდი ბრიტანეთის პრემიერ-მინისტრი ბორის ჯონსონი საზოგადოებას მოუწოდებს, გამოიჩინონ მოთმინება იზოლაციის წესების მიმართ, ვინაიდან ქვეყანა კორონავირუსის გავრცელების პიკზე იმყოფება და დაწესებული შეზღუდვების ნაადრევად შემსუბუქებამ, შესაძლოა, დაავადების გავრცელების მეორე ტალღა და მეტი ადამიანის დაღუპვა გამოიწვიოს.

ბორის ჯონსონმა აღნიშნა, რომ მას კარგად ესმის ბიზნესსექტორის წარმომადგენლების, რომლებიც შეზღუდვების მოხსნას მოუთმენლად ელოდებიან, თუმცა ქვეყანა კორონავირუსის გავრცელების მაქსიმალური რისკის ქვეშ იმყოფება და გარკვეული დროით მოთმინების გამოჩენაა საჭირო.

„არსებობს რეალური ნიშნები, რომ პიკის გადალახვის პერიოდში ვართ. წარმოიდგინეთ, ეს ვირუსი რომ ფიზიკური თავდამსხმელი იყოს - მოულოდნელი და უხილავი ყაჩაღი, რაც საკუთარი გამოცდილებიდან შემიძლია გითხრათ, ეს არის მომენტი, როდესაც ჩვენ ერთობლივად მისი მიწაზე დანარცხება დავიწყეთ,“ - აღნიშნა ბორის ჯონსონმა.

მისივე თქმით, იმ ჯანდაცვისა და სოციალური სფეროს წარმომადგენლების ოჯახები, რომლებიც კორონავირუსთან ბრძოლას შეეწირნენ, კომპენსაციის სახით 60 000 გირვანქა სტერლინგს მიიღებენ.

ცნობისათვის, კორონავირუსით დიდ ბრიტანეთში 21 092 ადამიანი დაიღუპა. დაღუპულთა შორის ჯანდაცვის სფეროს 82 თანამშრომელი და 16 სოციალური მუშაკია.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)