პოლიტიკური გაერთიანება „ლელო საქართველოსთვის“ „ფეისბუქის“ ოფიციალურ გვერდზე „ლელოს“ მოდელს - „3 მილიარდიანი საგარანტიო ფონდი“ წარადგენს. ამის შესახებ ინფორმაციას პოლიტიკური გაერთიანება ავრცელებს.

„შემოგვიერთდით, დასვით კითხვები ონლაინ რეჟიმში“ , - ნათქვამია პარტიის განცხადებაში.

მათივე ინფორმაციით, ლელოს მოდელის მთავარი მიზანია ადამიანის გადარჩენა და მისი ჯანმრთელობისა და ეკონომიკური უსაფრთხოების შექმნა.

პოლიტიკური გაერთიანების ცნობით, 3 მილიარდ ლარიანი საგარანტიო ფონდი ბიზნესს მისცემს საშუალებას, შეინარჩუნოს თანამშრომლების 80%. ამასთან, თუ ეს სქემა დაინერგება, ქვეყანაში 4 წელიწადში, აღნიშნული სქემის და კიდევ სხვა ღონისძიებების მიხედვით, დაახლოებით 200 000 დამატებითი სამუშაო ადგილი შეიქმნება.