აშშ-ის პრეზიდენტი დონალდ ტრამპი აცხადებს, რომ კოროვირუსზე ყოველდღიურად შემოწმდება, მას შემდეგ რაც ერთ-ერთ მის თანაშემწეს Covid19 დაუდასტურდა. ამის შესახებ ტრამპმა თეთრ სახლში მედიასთან განაცხადა.
ტრამპის თქმით, მას "ძალიან ცოტა პირადი კონტაქტი" ჰქონდა იმ პირთან, რომელიც დაინფიცირდა. მან სიტუაცია აღწერა, როგორც "ცოტა უცნაური" .
ტრამპმა აღნიშნა, რომ ამერიკელები "მეომრები" არიან, პანდემიის დაძლევის მცდელობებში.
”ჩვენ ყველანი მეომრები ვართ”, - განაცხადა მან. ”მე ვარ, შენ ხარ, ყველანი ვართ”,- დასძინა ტრამპმა.
ცნობისთვის, დონალდ ტრამპის ერთ-ერთ თანაშემწეს კორონავირუსი დაუდასტურდა. ის საზღვაო ძალების ქვედანაყოფის წევრია, რომელიც თეთრ სახლში მუშაობდა.
იხილეთ ვიდეო: დონალდ ტრამპის განცხადებით, კორონავირუსზე ტესტირებას ყოველდღიურად გაივლის