რომან გოცირიძე - უკვე ყველა არაორაზროვნად ამბობს, რომ შეთანხმება ითვალისწინებდა პოლიტიკური დევნის შეწყვეტას და პოლიტპატიმრების გათავისუფლებას

უკვე ყველა არაორაზროვნად ამბობს, რომ შეთანხმება ითვალისწინებდა პოლიტიკური დევნის შეწყვეტას და პოლიტპატიმრების გათავისუფლებას, - ამის შესახებ ფრაქცია „ნაციონალური მოძრაობის“ თავმჯდომარემ, რომან გოცირიძემ „ინტერპრესნიუსს“ ევროპარლამენტარ ანდრიუს კუბილიუსის წერილთან დაკავშირებით განუცხადა. გოცირიძის თქმით, თუკი არ მოხდება საარჩევნო სისტემის შეცვლა და პოლიტიკური პატიმრების გათავისუფლება, არჩევნების ლეგიტიმაცია დიდი კითხვის ნიშნის ქვეშ დადგება.

„უკვე ყველა არაორაზროვნად ამბობს, რომ შეთანხმება ითვალისწინებდა პოლიტიკური დევნის შეწყვეტას და პოლიტპატიმრების გათავისუფლებას. განცხადებები გააკეთეს ევროპარლამენტარმა, ევროკავშირის ელჩმა, აშშ-ის ელჩმა, რომელიც უშუალოდ მონაწილეობდა მოლაპარაკების პროცესში. მათ დაადასტურეს იგივე. თუკი ხელისუფლება არ შეასრულებს საკუთარ ვალდებულებას, თუკი არ მოხდება საარჩევნო სისტემის შეცვლა და პოლიტიკური პატიმრები არ გათავისუფლდებიან, არჩევნების ლეგიტიმაცია დადგება დიდი კითხვის ნიშნის ქვეშ. არც საერთაშორისო თანამეგობრობა, არც პოლიტიკური პარტიები და არც ჩვენი ამომრჩეველი ამ არჩევნებს არ აღიარებს სამართლიანად და ლეგიტიმურად. „ქართული ოცნების“ ხელისუფლება და ბიძინა ივანიშვილი საკუთარ თავს ძალიან დიდ პრობლემას შეუქმნის. გამოიწვევს პერსონალურ სანქციებს და სამწუხაროდ, ეს სანქციები ქვეყნის წინააღმდეგაც შეიძლება იქნას მიმართული, ვინაიდან ჩვენი ბიუჯეტის დიდი ნაწილი, ამ ბოლო პერიოდში განსაკუთრებით, ფორმირდება უცხოური დახმარებებით და ამ დახმარების შეწყვეტის შემთხვევაში, ჩვენი ქვეყანა ძალიან მძიმე მდგომარეობაში ჩავარდება. ასე რომ, დროა გონს მოეგოს ივანიშვილი და შეასრულოს ყველა ვალდებულება, ნუ აყენებს რისკის ქვეშ ქვეყნის სტაბილურობას, ნუ აყენებს რისკის ქვეშ ჩვენი მოქალაქეების სოციალურ-ეკონომიკურ მდგომარეობას,“ - განაცხადა გოცირიძემ.

შეგახსენებთ, ევროპარლამენტის წევრმა, ანდრიუს კუბილიუსმა საქართველოს პრეზიდენტს, სალომე ზურაბიშვილს, პრემიერ-მინისტრს, გიორგი გახარიას და პარლამენტის თავმჯდომარეს, არჩილ თალაკვაძეს ღია წერილით მიმართა და მოუწოდა, ხელისუფლებამ შეასრულოს ოპოზიციასთან 8 მარტს მიღწეული შეთანხმება. წერილში აღნიშნულია, რომ სამწუხაროდ, გიგი უგულავას, ირაკლი ოქრუაშვილის და გიორგი რურუას საქმეები სათანადოდ არ იყო გადაჭრილი.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა