ირაკლი ლექვინაძე - ევროკავშირის დაფინანსებით, საქართველოში კონკურენციის პოლიტიკის მხარდამჭერი უმნიშვნელოვანესი პროექტი განხორციელდა

ევროკავშირის მიერ დაფინანსებული 3 წლიანი პროექტი „საქართველოს კონკურენციის სააგენტოს მხარდაჭერა“ განხორციელდა, რომლის ძირითადი მიზანი DCFTA-ის დებულებების შესაბამისად, საქართველოს კონკურენციის სააგენტოს ინსტიტუციური გაძლიერება იყო, - ამის შესახებ საქართველოს კონკურენციის სააგენტოს თავმჯდომარემ, ირაკლი ლექვინაძემ განაცხადა.

მისი თქმით, პროექტის მიზანი იყო არსებული კანონმდებლობის დახვეწა, კონკურენციის სააგენტოს საქმიანობის პროდუქტიულობის ზრდა, თანამშრომელთა კვალიფიკაციის ამაღლება, კონკურენციის პოლიტიკისა და კულტურის შესახებ ცნობიერების ამაღლება.

„27 წევრი სახელმწიფოსგან შემდგარი ევროკავშირი დღეს სამოცდამეათე წლისთავს აღნიშნავს ერთი მთავარი მოწოდებით - „ერთად უფრო ძლიერები ვართ“. რეფორმების ეფექტიანად გატარების გზით დაწყებულია ევროკავშირთან საქართველოს ინტეგრირების შეუქცევადი პროცესი, რისკენაც საქართველო ისტორიულად ისწრაფვის. სააგენტოსთვის უმნიშვნელოვანესია ჯანსაღი კონკურენციის პრინციპების დამკვიდრება, ხელშეწყობა, გაძლიერება და კონკურენციის საერთაშორისო ოჯახის ღირსეული წევრობა. სწორედ ამ მიზნების მისაღწევად, ევროკავშირის მიერ დაფინანსებული 3 წლიანი პროექტი - „საქართველოს კონკურენციის სააგენტოს მხარდაჭერა“ განხორციელდა, რომლის ძირითადი მიზანი იყო - DCFTA-ის დებულებების შესაბამისად, ევროკავშირის საუკეთესო გამოცდილებაზე დაყრდნობით, საქართველოს კონკურენციის სააგენტოს ინსტიტუციური გაძლიერება, არსებული კანონმდებლობის დახვეწა, სააგენტოს საქმიანობის პროდუქტიულობის ზრდა, თანამშრომელთა კვალიფიკაციის ამაღლება, კონკურენციის პოლიტიკისა და კულტურის შესახებ ცნობიერების ამაღლება. კონკურენციის პოლიტიკის ხელშეწყობა არის ეკონომიკის გაძლიერების, მომხმარებელთა კეთილდღეობის, მათი უფლებების დაცვის ერთ-ერთი მნიშვნელოვანი საფუძველი და შესაძლებლობა. პროექტის ფარგლებში განხორციელებული ყველა აქტივობა არის წინაპირობა, რომ დღეს საქართველოს კონკურენციის სააგენტომ გადადგას დროული, ქმედითი, შედეგზე ორიენტირებული ნაბიჯები და ყველა ის ნაკისრი ვალდებულება, რომელიც კონკურენციის პოლიტიკის აღსრულებას უკავშირდება, სრულფასოვნად შეასრულოს. საქართველოში კონკურენციის ხელშეწყობისათვის გაწეული სამუშაოსათვის, განსაკუთრებული მადლობა ევროკავშირის პროექტში მონაწილე ყველა წევრს, მადლობა ყველა ადგილობრივ და საერთაშორისო ექსპერტს მხარდაჭერისა და თანამშრომლობისთვის. მინდა მივულოცო დღევანდელი დღე ევროპის მოქალაქეებს, ყველას, ვინც ევროპის გულშემატკივარი და ევროპული ღირებულებების მატარებელია“, - განაცხადა ლექვინაძემ. აღნიშნულ კომენტარს საქართველოს კონკურენციის სააგენტოს პრესსამსახური ავრცელებს.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება