15 მაისიდან ესპანეთში ნებისმიერ ჩამსვლელს ორკვირიანი კარანტინის გავლა მოუწევს. გადაწყვეტილება ამის შესახებ დღეს გახდა ცნობილი. შეზღუდვა ძალაში სულ მცირე 24 მაისამდე დარჩება. ქვეყანაში ჩასულ პირებს ორი კვირის მანძილზე მხოლოდ მაღაზიაში ან აფთიაქში გასვლის შესაძლებლობა ექნებათ.

ცნობისთვის, ბოლო დღეებში, ესპანეთში კორონავირუსის ახალი შემთხვევების გამოვლინება იკლებს. მნიშვნელოვნად შემცირდა ვირუსით გარდაცვლილთა დღიური მაჩვენებელიც. ამ დროისთვის, ესპანეთში საერთო ჯამში ინფიცირებულ პაციენტთა რაოდენობა 224390-ს შეადგენს. ვირუსით ქვეყანაში 26 744 ადამიანი დაიღუპა.