გიორგი ვაშაძის კანდიდატურა სამომავლოდ მსხვილ საფეხურზე უნდა დავინახოთ, ნორმალური ქვეყანა დაკარგავს ახალგაზრდა გიორგი ვაშაძეს? ის არის მოწესრიგებული, საოცარი ადამიანი, რომელსაც თავისუფლად შეიძლება ნებისმიერი ინსტიტუცია ანდო, - ამის შსახებ პარტიის „კანონი და სამართალი" დამფუძნებელმა თაკო ჩარკვიანმა განაცხადა. მისი თქმით, გიორგი ვაშაძე მოწესრიგებული ადამიანი, რომელსაც თავისუფლად შეიძლება ნებისმიერი ინსტიტუცია ანდო. როგორც ჩარკვიანი აცხადებს, „პრემიერის ადგილი ახალგაზრდა და სუფთა წარსულის მქონე ადამიანისთვისაა“.

„მე მინდა ჩემი აზრი მივაწოდო საზოგადოებას, რომ გიორგი ვაშაძის კანდიდატურა სამომავლოდ, მსხვილ საფეხურზე დავინახოთ. ეს ახალგაზრდა ადამიანი, ჩემი პარტიის წევრი არ არის, თუმცა მე ვხედავ მის პოტენციალს. მეც საკმაოდ საინტერესო ახალგაზრდები მყავს მაგალითად, ირაკლი ღლონტი და გიორგი ცობეხია, რომლებიც არ შეიძლება, რომ მომავალმა საქართველომ მართვაში არ იხილოს. ნორმალური ქვეყანა დაკარგავს ახალგაზრდა გიორგი ვაშაძეს? ვერც დანა–ჩანგლებს მიაძახებენ და ვერც უშიშროების საბჭოს მდივნობას. ამ ბიჭმა გააკეთა იუსტიციის სახლი, რომელიც ევროპაში სალაპარაკო გახდა. ის არის მოწესრიგებული, საოცარი ადამიანი, რომელსაც თავისუფლად შეიძლება ნებისმიერი ინსტიტუცია ანდო. მივესალმები და დიდ პატივს ვცემ გრიგოლ ვაშაძეს და ვთვლი, რომ ერთერთი საუკეთესო კანდიდატი იყო და ახლაც ასე მივიჩნევ, მაგრამ არის პრემიერის ადგილი, რომელიც ზუსტად ახალგაზრდა და სუფთა წარსულის მქონე ადამიანისთვისაა," -განაცხადა თაკო ჩარკვიანმა.

აღნიშნულ კომენტარს პარტია „ახალი საქართველოს“ პრესსამსახური ავრცელებს.