კახა კალაძე - „მზიურის“ პარკიდან ზოოპარკის მიმართულებით საფეხმავლო ხიდის გაკეთებას ვაპირებთ

„მზიურის“ პარკიდან ზოოპარკის მიმართულებით საფეხმავლო ხიდის გაკეთებას ვაპირებთ, -ამის შესახებ თბილისის მერმა, კახა კალაძემ თბილისის მერიის მთავრობის სხდომაზე განაცხადა.

როგორც მან განმარტა, აღნიშნული პროექტის თაობაზე მუშაობა უკვე დაწყებულია.

„ძალიან მალე ქალაქს „მზიურის“ განახლებული პარკი ექნება, რომელიც მართლაც ულამაზესია. დარწმუნებული ვარ, ის ერთ-ერთი საუკეთესო ადგილი და დასასვენებელი სივრცე იქნება თბილისელებისთვის და არა მხოლოდ თბილისელებისთვის. ამ პროექტის ფარგლებში ჩვენ ასევე ვამუშავებთ მედიათეკის პროექტს, მას უშუალოდ დედაქალაქის მერია განახორციელებს. ეს სამუშაოების მეორე ეტაპი იქნება. ასევე, ვამუშავებთ ერთ საინტერესო პროექტს, „მზიურის“ პარკიდან ზოოპარკის მიმართულებით საფეხმავლო ხიდის გაკეთებას ვაპირებთ. ამის თაობაზე უკვე დაწყებული გვაქვს მუშაობა. მედიათეკა და ეს საფეხმავლო ხიდი სამუშაოების მეორე ეტაპი იქნება, რომელსაც მოსახლეობას შევთავაზებთ“,-განაცხადა კალაძემ.

ამასთან, კალაძემ მადლობა გადაუხადა ინფრასტრუქტურის სამინისტროს, მუნიციპალური განვითარების ფონდს და მერიის ყველა სამსახურს, ვინც ჩართულია ამ პროექტის განხორციელებაში.

„გახსოვთ ყველას, რომ 13 ივნისის სტიქიის შემდეგ, რომელიც დედაქალაქს თავს დაატყდა, რამდენად მძიმე მდგომარეობა იყო ამ კონკრეტულ მონაკვეთზე, ყველაფერი გაუბედურებული იყო და ძალიან მალე ქალაქს „მზიურის“ განახლებული პარკი გვექნება, რომელიც მართლაც ულამაზესია“, - განაცხადა კალაძემ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა