დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით როგორც კერძო, ასევე სახელმწიფო საბავშვო ბაღებისთვის გახსნასთან დაკავშირებით, ერთნაირი რეკომენდაციები იქნება გაცემული.

იმნაძის განცხადებითვე, სკოლებისა და ბაღების გახსნას ზოგიერთ ქვეყანაში ბავშვების დაინფიცირების მატება მოჰყვა.

„როგორც კერძო, ისე სახელმწიფო ბაღებისთვის ერთნაირი რეკომენდაცია იქნება. ამის მაგალითი აქვს ბევრ ქვეყანას, პირველ ეტაპზე, გაიხსნა ბაღები და სკოლები. სამწუხაროდ, ამას საფრანგეთში ბავშვების ავადობის მატება მოჰყვა, ამიტომ ჯერჯერობით ჩვენთან ეს დაგეგმილი არ არის“, - განაცხადა იმნაძემ.