ირანში აცხადებენ, რომ კორონავირუსით ქვეყანაში დაახლოებით 10 000 ექიმი დაინფიცირდა.

„ირანში დაახლოებით 10 000 ჯანდაცვის მუშაკი დაინფიცირდა და მათგან რამდენიმე გარდაიცვალა“, - განაცხადა ჯანდაცვის მინისტრის მოადგილემ, ყასიმ ჯანბაბაიმ ადგილობრივ მედიასთან საუბრისას.

ცნობისთვის, ამ დროისთვის ირანში კორონავირუსის 129349 შემთხვევაა დაფიქსირებული. ვირუსს ქვეყანაში 7000-ზე მეტი ადამიანი ემსხვერპლა.