ლევან იოსელიანი - "ქართული ოცნება" არცერთ ნაბიჯზე არ ინდობა, მათ სიტყვას და დაპირებას ჩალის ფასიც არ აქვს
"სამოქალაქო მოძრაობის" ლიდერის, ლევან იოსელიანის განცხადებით, პირველი მოსმენით მიღებული ცვლილებები „საზოგადოებრივი ჯანდაცვის შესახებ“ კანონში ეწინააღმდეგება საქართველოს კონსტიტუციას.
"დაგეგმილი ცვლილებები ანტიკონსტიტუციურია და შესაძლებლობას აძლევს ჯანდაცვის სამსახურებს, ეჭვის საფუძველზეც კი ადამიანი იზოლაციაში მოაქციონ, ანუ დააპატიმრონ. მინდა, მივმართო "ქართული ოცნების" დეპუტატებს, განსაკუთრებით იურისტებს, რომ თავს ნუ შეირცხვენენ, პატივი სცენ საკუთრ პროფესიას და ამოიღონ ხმა კანონპროექტის წინააღმდეგ. პატიმრობა მარტო ციხეში ყოფნას არ ნიშნავს, ნებისმიერი სახის თვისუფლების აღკვეთა, პატიმრობაა და არ აქვს მნიშვნელობა „მატროსოვზე“ ჩაგკეტავენ, ინფექციურში თუ შერატონში" , - განაცხადა ლევან იოსელიანმა.
"სამოქალაქო მოძრაობის" ერთ-ერთი ლიდერი აცხადებს, რომ არ სჯერა ამ ცვლილებების ავტორის კეთილშობილური განზრახვის.
"საჭიროების შემთხვევში ისინი ამ ძალაუფლებას ოპონენტების საწინააღმდეგოდ გამოიყენებენ, განსაკუთრებით წინასაარჩევნო პერიოდში. "ქართული ოცნება" არცერთ ნაბიჯზე არ ინდობა, მათ სიტყვას და დაპირებას ჩალის ფასიც არა აქვს“ , - აღნიშნა ლევან იოსელიანმა, რომლის კომენტარსაც „სამოქალაქო მოძრაობის“ პრესსამსახური ავრცელებს.
v-if="article.gallery" v-html="article.gallery"
