ბექა დოჭვირი - ყველა დაწესებული შეზღუდვა, როგორც საგანგებო მდგომარეობის დროს, ისე მის შემდგომ, მიმართულია იმისკენ, რომ მინიმუმამდე დავიდეს დაავადების გავრცელება

ყველა დაწესებული შეზღუდვა, როგორც საგანგებო მდგომარეობის დროს, ისე მის შემდგომ, მიმართულია იმისკენ, რომ რაც შეიძლება მინიმუმამდე დავიდეს დაავადების გავრცელება. აღნიშნულიდან გამომდინარეა მაგალითად ის შეზღუდვა, რომელიც შეეხება სოციალურ თავშეყრებს, ვგულისხმობთ ქელეხებს, ქორწილებს, დაბადების დღეებს, სადაც ძალიან ბევრი უცხო ადამიანი ერთად იყრის თავს ,- ამის შესახებ მთავრობის საპარლამენტო მდივანმა ბექა დოჭვირმა განაცხადა.

მისივე თქმით, საზოგადოებრივი ტრანსპორტი, ე.წ. მოლები და ბაზრობები ერთ-ერთი ყველაზე დიდი რისკის მატარებელია.

„საზოგადოებრივი ტრანსპორტი, მაგალითად ე.წ. მოლები და ბაზრობები ერთ-ერთი ყველაზე დიდი რისკის მატარებელია, როდესაც დღის განმავლობაში ასეული და მეტრის შემთხვევაში ათასეულიც კი ერთად იყრის თავს. ბუნებრივია, რაღაც გარკვეული რეკომენდაციები შესაძლებელია დავაწესოთ, მაგალითად - ჭადრაკისებური განლაგება, მაგრამ ამის ეფექტური აღსრულებაც უნდა მოხდეს. იგივე, საზოგადოებრივ ტრანსპორტში პირბადით მგზავრობა. ამ ყველაფერს აღსრულება და ეპიდსიტუაციის დასტაბილურება სჭირდება.

ის, რომ დღეს მხოლოდ და მხოლოდ ორი ახალი შემთხვევა გვქონდა, დინამიკაში უნდა დავინახოთ, რამდენიმე დღის განმავლობაში, ან ორი კვირის განმავლობაში რა შედეგი გვექნება, შემდეგ უკვე რა რჩევას მოგვცემენ ეპიდემიოლოგები და ამის მიხედვით მივიღებთ გადაწყვეტილებას. შეიძლება, ჩავთვალოთ, რომ გარკვეული გადაწყვეტილებები, ნელა, კონსერვატიულად არის მიღებული, მაგრამ სწორედ აღნიშნულიდან გამომდინარეა ის შედეგი, რომელიც დღეს საქართველოს აქვს და ამ მიდგომას მიმართავს ევროკავშირი და მსოფლიოს წამყვანი ქვეყნები, როგორც ვაკვირდები“,- აღნიშნა ბექა დოჭვირმა.

ინფორმაციას მთავრობის ადმინისტრაციის პრესსამსახური ავრცელებს.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა