რომან გოცირიძე - დავით გარეჯში მძიმე ვითარებას საფუძველი დაუდო საქართველოს პრეზიდენტის უპასუხისმგებლო ქმედებებმა და განცხადებებმა
დავით გარეჯში არის ძალიან მძიმე ვითარება, გაცილებით უარესი, ვიდრე იყო 1 წლის წინ. ამას საფუძველი დაუდო საქართველოს პრეზიდენტის უპასუხისმგებლო ქმედებებმა და განცხადებებმა, - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ დავით გარეჯთან დაკავშირებით დასმული შეკითხვის საპასუხოდ, ჟურნალისტებს განუცხადა.
გოცირიძის თქმით, გარეჯის საკითხი ობიექტურად უნდა გადაიჭრას.
„შექმნილ ვითარებაში პასუხი უნდა აგოს ქალბატონმა სალომე ზურაბიშვილმა და მთავრობამ. რა თქმა უნდა, აზერბაიჯანულ მხარესაც მართებს თავშეკავება. გარეჯის საკითხი ობიექტურად უნდა იყოს გადაჭრილი. ობიექტურად ნიშნავს იმას, რომ ყველა ისტორიული, თუ საბჭოთა კარტოგრაფიიდან გამომდინარე, ეს არის საქართველოს ტერიტორია და სადავო მონაკვეთების შესახებ შეთანხმება უნდა მოხდეს ორ სახელმწიფოს შორის", - განაცხადა რომან გოცირიძემ.
v-if="article.gallery" v-html="article.gallery"
