რომში გამართულ ანტირასისტულ საპროტესტო აქციაზე ათასობით ადამიანი შეიკრიბა
იტალიის დედაქალაქ რომში, პიაცა დელ პოპოლოზე, ანტირასისტულ საპროტესტო აქცია გაიმართა, სადაც ათასობით ადამიანი შეიკრიბა.
დემონსტრანტებმა სოლიდარობა გამოხატეს საპროტესტო აქციის მიმართ, რომლის სლოგანია : „შავკანიანების სიცოცხლე მნიშვნელოვანია“ და რომელიც აშშ-ში თითქმის ორი კვირაა მიმდინაროებს.
აღსანიშნავია, რომ პიაცა დელ პოპოლოზე შეკრებილები ერთმანეთისგან 1 მეტრიანი დისტანციის დაცვას ცდილობდნენ და მათ უმეტესობას პირბადე ეკეთა.
ცბობისათვის, აშშ-ში, შავკანიანი მამაკაცის, ჯორჯ ფლოიდის პოლიციის ძალადობრივი ქმედების შედეგად დაღუპვის შემდეგ, ანტი-რასისტული საპროტესტო აქციები არ წყდება. ამერიკელ დემონსტრანტებს სოლიდარობას უცხადებენ და რასიზმსა და პოლიციის ძალადობას აპროტესტებენ მსოფლიოს სხვა ქვეყნებშიც, მათ შორის, დიდ ბრიტანეთში, საფრანგეთში, გერმანიაში, ბრაზილიასა და ავსტრალიაში.
v-if="article.gallery" v-html="article.gallery"
