ჯო ბაიდენი - ჯორჯ ფლოიდი სამყაროს შეცვლის

ჯორჯ ფლოიდი სამყაროს შეცვლის, - ამის შესახებ აშშ-ის „დემოკრატმა“ საპრეზიდენტო კანდიდატმა, ყოფილმა ვიცე-პრეზიდენტმა ჯო ბაიდენმა გარდაცვლილი ჯორჯ ფლოიდის ოჯახთან შეხვედრის შემდეგ განაცხადა.

„არაჩვეულებრივი ოჯახია, მისი გოგონაც იქ იყო, ის, რომელმაც განაცხადა: „მამიკო სამყაროს შეცვლის“ და მე ვფიქრობ, რომ მისი მამიკო სამყაროს შეცვლის. მე ვფიქრობ, რომ ის, რაც აქ მოხდა ერთ-ერთი მნიშვნელოვანი მოვლენაა ამერიკის ისტორიაში სამოქალაქო თავისუფლების, სამოქალაქო უფლებების და უბრალოდ, ადამიანების მიმართ ღირსეული დამოკიდებულების კუთხით,“- განაცხადა ჯო ბაიდენმა CBS-სთან ინტერვიუში.

ცნობისათვის, ჯო ბაიდენი აშშ-ის ქალაქ მინეაპოლისში პოლიციის მიერ განხორციელებული ძალადობის შედეგად დაღუპული ჯორჯ ფლოიდის ოჯახის წევრებს შეხვდა. შეხვედრის შესახებ ინფორმაცია ჯორჯ ფლოიდის ოჯახის ადვოკატმა, ბენჯამინ კრამპმა, სოციალურ ქსელ „ტვიტერში“ გაავრცელა.

ჯორჯ ფლოიდს დღეს მშობლიურ ქალაქ ჰიუსტონში დაკრძალავენ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს