ლევან ბოძაშვილის განცხადებით, 13-ვე კონგრესმენი, რომელიც ივანიშვილს „პუტინის ახლო მოკავშირედ“ მიიჩნევს, „რესპუბლიკური პარტიის“ წევრია და „ძალიან მნიშვნელოვან“ სამუშაო ჯგუფს წარმოადგენს

უშიშროების საბჭოს მდივნის ყოფილი მოადგილის, ლევან ბოძაშვილის განცხადებით, 13-ვე ამერიკელი კონგრესმენი, რომელიც „ქართული ოცნების“ თავმჯდომარე ბიძინა ივანიშვილს „პუტინის ახლო მოკავშირედ“ მიიჩნევს, „რესპუბლიკური პარტიის“ წევრია.

როგორც „ინტერპრესნიუსს“ ბოძაშვილმა განუცხადა, ისინი იმ სამუშაო ჯგუფს წარმოადგენენ, რომლის ამოცანაა, დააგენერიროს გეოპოლიტიკური თვალსაზრისით ამერიკის ეროვნული ინტერესების საწინააღმდეგო საფრთხეები.

„ეს არის ძალიან მნიშვნელოვანი ჯგუფი და ეს არის ინსტიტუციური ჯგუფი, ეს არ არის რაღაც უცებ შეკრებილი „რესპუბლიკელების“ ჯგუფი, რომ მოდი, ახლა ასეთი რაღაც დავწეროთ. შესაბამისად, ის ამ შეფასებებს აკეთებს ამერიკის ეროვნული უსაფრთხოების სტრატეგიის ფარგლებში ანუ ყველა შეფასება, რომელიც აქ არის მოცემული, არის ამერიკის სტრატეგიული ინტერესების ჭრილში განხილული და არა ზოგადად კონკრეტული ქვეყნის, კონკრეტული პირის ან რაღაც ერთჯერადი აქტი“, - განაცხადა ბოძაშვილმა.

მისი თქმით, იმ პირობებშიც კი, როცა ამერიკელი სენატორები და კონგრესმენები განცხადებებსა და „ტვიტებს“ აქვეყნებდნენ, მაინც რჩებოდა სივრცე ყველაფრის მოსაგვარებლად, ამ დოკუმენტის შემდეგ კი სივრცე აღარ რჩება, გარდა ხელისუფლების არჩევნების გზით გადანაწილებისა.

„შეფასებაში, რომელიც არის გაკეთებული ბიძინა ივანიშვილთან მიმართებაში, 2 ძალიან ცუდი მომენტია: ერთი, რომ ეს შეფასება არის გაკეთებული რუსეთის ნაწილში, სადაც კონგრესმენები აკეთებენ შეფასებას რუსეთიდან მომდინარე საფრთხეებზე და ისინი კვლავ აღიარებენ იმას, რომ მათთვის სტრატეგიულად რუსეთი კვლავ არის საფრთხე. აქედან გამომდინარე, ამ ყველაფერთან ივანიშვილის მიბმა, ჩემი აზრით, არის ძალიან ნეგატიური შეფასება, რომელსაც იმის მიუხედავად, იქნება თუ არა სანქციები მომავალში, უკვე აქვს ეფექტი დღეს, მათ შორის თუ საარჩევნო შედეგი არ გააჩენს ქვეყანაში კოალიციის შექმნის საშუალებას, მაშინ ამერიკულ მხარეს ძალიან გაუჭირდება საქართველოს არჩევნების შედეგების აღიარება, როგორც დემოკრატიულის. ეს შეგვიძლია დღეს უკვე ვთქვათ დანამდვილებით. ამიტომ, თუ სანქციები იქნება, შეიძლება იყოს არჩევნებამდე და არჩევნების შემდეგ, არჩევნებამდე ეს შეიძლება იყოს ინდივიდუალური სანქციები, ასევე ზოგადად ქვეყანასთან მიმართებაში გატარებული კონკრეტული სანქციები. ცუდი და ნეგატიური არის ისიც, რომ აქ „ქართულ ოცნებაზე“ კი არ არის საუბარი, როგორც პარტიაზე ან პოლიტიკურ სივრცეზე, არამედ კონკრეტულ ერთ ადამიანზეა საუბარი და ეს არის უკიდურესად ცუდი სიგნალი, განსაკუთრებით არჩევნების წინა პერიოდში. მე ვთვლი, რომ დღეს უკვე ამ ყველაფრიდან გამომდინარე, იანვარში, თებერვალში, მარტში ყველა იმ კონგრესმენის ცალკეული „ტვიტებისა“ და განცხადებების შემდეგაც კი რჩებოდა გარკვეული სივრცე ყველაფრის გამოსწორებისა, მაგრამ როდესაც ახლა უკვე სტრატეგიული ხასიათის დოკუმენტშია ეს ყველაფერი, დიდი რაოდენობა მმართველი „რესპუბლიკური პარტიის“ წარმომადგენელი კონგრესმენების მიერ, აქ უკვე სხვა სივრცე აღარ რჩება თუ არა ხელისუფლების საარჩევნო გზით გადანაწილებისა“, - აღნიშნა ბოძაშვილმა, რომელმაც ხაზი გაუსვა, რომ გამოქვეყნებული დოკუმენტის ავტორი კონგრესმენები არ არიან ის კონგრესმენები, რომლებიც საქართველოსთან მიმართებაში კრიტიკულ განცხადებებს აქამდე აკეთებდნენ.

ცნობისთვის, დოკუმენტში, სახელწოდებით: „ამერიკის გაძლიერება და გლობალურ საფრთხეებთან ბრძოლა“, რასაც ხელს აშშ-ის 13 „რესპუბლიკელი“ კონგრესმენი აწერს, საუბარია რუსეთის დეზინფორმაციული კამპანიის ლიდერებისთვის სანქციების დაწესების აუცილებლობაზე. „ბიძინა ივანიშვილი, საქართველოს უმდიდრესი ადამიანი, რომელიც პუტინის ახლო მოკავშირეა, რუსეთის სასარგებლოდ საქართველოს დესტაბილიზაციაშია ჩართული“, - ნათქვამია დოკუმენტში.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე